Россия чемпионатида ЦСКА кетма-кет иккинчи мавсум ўртамиёна жамоа даражасидан кўтарила олмаяпти. Аввалги бош мураббий Владимир Федотовни ўрнига сербиялик мутахассис Марко Николич олиб келингани ҳам ҳеч қандай самара бергани йўқ.
Премьер-лигада “армиячилар” дастлабки бешта баҳсдан учтасида очко йўқотиб бўлди. Айниқса, кетма-кет икки мағлубият анча аламли бўлди.
Россия футболини ёритиб бораётган football24.ru сайти таҳлилий мақолада ЦСКАнинг муваффақиятсизликлари сабабларидан бири Аббосбек Файзуллаевнинг ўйинида пасайbш кузатилаётгани билан боғлик эканини ёзди.
- Ўтган мавсумнинг биринчи даврасида ЦСКАда Фёдор Чалов ва Аббосбек Файзуллаев тандеми шов-шув кўтарди. Ҳозир улар йўқ: Фёдор кетди, Ўзбекистон терма жамоаси етакчиси шахсий кризисни бошдан кечирмоқда.
Бу мавсум ЦСКА ҳужум чизиғи учун трансферни чўзгани йўқ. Ўз ишини устаси ҳисобланган тўпурар Секу Койтани олиб келишди, лекин натижа қўрқинчи – у ҳали бирорта самара келтира олмади. Малилик футболчи фақат ўйин охирида имкониятлари чекланган форвард Тамерлан Мусаевнинг ўрнига майдонга тушишга яраяпти, холос. Африкалик ўйинчидан кўпроқ нарса – ўйинда натижани таъминлаш кутилганди, у эса, ўзини ижтимоий тармоқларда кўрсатмоқда ва тез орада унинг обуначилари миллионтага етади. Бошқа натижанинг ўзи йўқ.
Муҳим учрашувларда яна бир легионер Виктор Давиладан ҳам бирор манфаат бўлгани йўқ. Рифат Жемалетдиновнинг трансфери шубҳалар остида қолмоқда: “Локомотив” сафида бир йил ўйнамаган футболчини эркин агент мақомида таркибга қўшиб олишди. Ҳозир ЦСКАнинг бори шу.
Аббосбек Файзуллаев ўтган мавсумда чемпионатда 15 та самарали ҳаракатни амалга оширган эди. Бундай сермаҳсулликни йўқотиш, жамоани жарга етаклайди. Ўзбек футболчисининг кризисни бошдан ўтказаётганини рақамлар билан исботлаш мумкин. Файзуллаев кетма-кет 12 та учрашувда самарали натижа қайд этгани йўқ. Бунга Ўзбекистон терма жамоаси таркибида Олимпиадада ҳам муваффақиятсиз ўйнаганини қўшиш мумкин. Демак, гап фақат ЦСКАда эмас.
Файзуллаевни нозик тарзда тушуниб ўйнайдиган шеригини сотиб юборишди. Энди у Мусаев ва Жемалетдинов билан ҳамкорликда ўйнашни йўлга қўйиши керак. Шунингдек, қанотдаги ҳудудларини бу позицияни эгаллай бошлаган Данил Круговойга бўшатиб бериши талаб этилади, - дейилади football24.ru сайти экспертлари таҳлилида.
Шу ўринда таъкидлаш лозимки, дунёда ҳеч бир футболчи мунтазам юқори спорт формасида бўла олмайди. Ҳатто Лионель Месси, Криштиану Роналду, Килиан Мбаппе сингари жаҳон юлдузлари ўйинида ҳам паст-баланд ҳолатлар кузатилиши табиий ҳол.
Аббосбек Файзуллаев ҳам бундан мустасно эмас. Ўтган мавсумнинг иккинчи ярмида ҳам легионеримиз ўйинида қисқа муддатли пасайиш кузатилган эди. Лекин 20 ёшли футболчи тезда ўзини ўнглаб олди.
Бир томондан ўз олдига катта мақсадларни қўядиган ЦСКАдек жамоанинг ўйини Аббосбек Файзуллаевга боғлиқлиги, бу легионеримиз “армиячилар” сафидаги асосий фигуралардан эканини яққол исботи экани ўзбекистонлик футбол ишқибозлари учун ёқимли ҳолат, албатта.
Файзуллаевнинг ўзи ҳам ҳозирги вазиятни жуда яхши ҳис қилиб турибди, дейиш мумкин. Ҳамюртимиз яқинда журналистларга фикр билдириб, тезкорлик ва техникаси ўзининг устунлиги эканига қарамай, ҳужумларни самарали якунлаш хусусияти оқсаётганини тан олди ва бу камчиликни йўқотиш устида ишлаётганини таъкидлади.
Демак, бўлажак ўйинларда Аббосбек Файзуллаев бу мураккаб вазиятдан қандай чиқишини кузатиб борамиз... “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Лукашенко МДҲ давлатларини Россияга нисбатан худбинликда айблади
Австралияда балиқчилар тўрига илиниб қолган 13 метрли китга ёрдам кўрсатилди
Рўзиқул Бердиев: "Осиё чемпионлар лигасида финалга қадар етиб боришни мақсад қилганмиз"
Маҳмуд Аббос Ғазога ташриф буюришдан мақсад нима эканини айтди
Байден: АҚШ Ғазога ҳужумларни тўхтатиш устида ишламоқда
Олаф Шолц Украинанинг Курск вилоятидаги амалиётига изоҳ берди
Трамп суиқасддан кейинги дастлабки митингда ўқ ўтказмас ойна ортида нутқ сўзлади
Қирғизистонда янги турдаги динозавр қолдиқлари топилди
