15 ёшли Шахинахон Йигиталиева Паралимпия ўйинларининг савриндори бўлди

^{Фото: Olympic.uz}
6 сентябрда «Стад де Франс» яна бир бор ўзбек паралимпиячиларининг ёрқин иштирокига гувоҳ бўлди.

Келаси ой 16 ёшни қарши оладиган ҳамюртимиз Шаҳинахон Йигиталиева пара енгил атлетиканинг F46 классида найза улоқтириш баҳсларида кумуш медал соҳибига айланди. Ёш пара атлетимиз муросасиз баҳсларда 43,12 метр натижани қайд этди.

Делегациямиз ҳисобидаги медаллар ҳозирча 9 та олтин, 8 та кумуш ва 6 та бронзани ташкил этмоқда. «Замин»ни Telegram’да ўқинг!