“ЦСКА” ишончли ғалабага эришди, Аббосбек Файзуллаевдан иккита ассист! (видео)

Футбол бўйича Россия Кубогининг 4-турида “ЦСКА” “Краснодар”га қарши баҳс олиб борди.

Учрашувнинг 32-дақиқасида Милан Гайич ҳисобни очди. Эътиборлиси, ушбу голга ўзбекистонлик футболчи Аббосбек Файзуллаев ҳаммуаллифлик қилди.

Иккинчи бўлим охирида эса москваликлар яна бир бор рақиб дарвозасини ишғол этди. Бу сафар ҳам Аббосбек ассист қайд этди ва узатмани Матвей Кисляк дарвозага жойлаб қўйди.

Шу тариқа “ЦСКА” 2:0 ҳисобида ғалаба қозонди.

Россия Кубоги
4-тур
“ЦСКА” — “Краснодар” 2:0
Голлар: 1:0 – 32 Гайич, 2:0 – 89 Кисляк.
“ЦСКА”: Тороп, Хелвен, Лукин, Дивеев, Мойзес, Гайич, Зделар, Кисляк, Файзуллаев, Койта, Гуарирапа.
“Краснодар”: Дюпин, Гонсалес, Арутюнян, Тормена, Оласа, Ленини, Кривсов, Козлов, Олусегун, Мозес, Кордоба. «Замин»ни Telegram’да ўқинг!