MMA’да октябрь ойига белгиланган жанглар

Октябрь ойида ҳаво совуқ ва ёмғир тинмаяпти, лекин MMA’да қизғинлик энди бошланмоқда. Навбатдаги тўрт ҳафта, эҳтимол, ушбу йилдаги энг воқеаларга давр бўлади. Алекс Перейра, Илия Топурия, Макс Ҳоллоуэй, Франсис Нганну ва бошқа жангчилар октагонга қайтади. Катта воқеалар арафасида октябрь ойида бўлиб ўтадиган турнирлар ҳақида маълумотлар тайёрланган.

5 октябрь — UFC 307

^{Фото: Спорц}
Дастлаб, UFC 307 бу “Сфера”даги UFC 306 ва Абу-Дабидаги UFC 308 ўртасидаги оралиқ станция каби кўринганди. Бироқ, кардга қараб, UFC кутилмаган воқеаларни тайёрлаганини айтиш мумкин. Бу ерда ҳақиқий жарангдор жанглар йўқ (дастлаб, бу сана учун Топурия ва Ҳоллоуэй ўртасидаги енгил вазн тоифасидаги титул жанги режалаштирилган эди), бироқ кард воқеаларга бор бўлади. Ўтказиб юборилиши мумкин бўлган жанглар деярли йўқ. Турнирни ветеранлар Тим Минсс ва Курт МакГи очади, прелимни эса ярим ўрта вазннинг топ-15 га кирувчи жангчилар Стивен Томпсон ва Хоакин Бакли якунлайди, асосий кардда эса қуйидаги саволларга жавоб олиш мумкин: Койла Ҳаррис Холли Холм каби Виэйрани енгиши мумкинми, Жозе Алдо кетма-кет иккинчи истеъдодли жангчини мағлуб эта оладими ва навбатда икки нокаутчи — Алекс Перейра ва Халил Раунтри ўртасидаги жангда ким устун келади?

UFC 307 UFC 199 билан ўхшашдек туюлиши мумкин — у турнир ҳам июнь 2016 йилда Бразилиядаги UFC 198 ва UFC 200 ўртасида ўтган эди. Бу турнирдан ҳам ҳеч нарса кутилмаган, лекин матчмейкерлар қизиқарли кард тайёрлаган ва натижада UFC 199 томоша жиҳатидан ўзининг “юлдузли” қўшнилардан икки баробар устун бўлган. Айнан шу турнирда Майкл Биспинг Люк Рокхолдни нокаут қилган эди, бироқ жангдан олдин фаворит аксинча бўлган.

12 октябрь — UFC Fight Night 244

^{Фото: Спорц}
Яна бир ажойиб UFC Fight Night мусобақаси. Турнирдаги энг қизиқ жанг — Брендон Ройвал ва Тацуро Тайра ўртасида кечади. Ушбу жанг енгил вазн тоифасидаги титул учун навбатдаги даъвогарни аниқлаши мумкин. Шунингдек, кардда кўплаб таниш исмларни кўриш мумкин. Шу тариқа оқшомда октагонга Грант Доусон, Бред Таварес, Даниел Родригес, Абдул Разак Алҳасан ва бошқалар чиқади.

19 октябрь — UFC Fight Night 245

^{Фото: Спорц}
Мишел Перейра ва Энтони Эрнандесга ҳурмат сақлаган ҳолда, уларнинг жанги томошабинларни ўзига торта олиши даргумонлигини таъкидлаш жоиз. Мишел Перейра одатда “зерикарли” жанг қилмайди, Эрнандес эса кетма-кет 4 та (учта муддатидан олдин) ғалаба қозонган. Бироқ, шунда ҳам бу жангга қизиқиш у қадар юқори эмас.

Шунингдек, Роб Фонт ва Кайлер Филипс ўртасидаги ко-мейнивент жангига эътибор қаратиш керак. Бу жанг ёки жуда зерикарли ёки жуда қизиқарли бўлиши мумкин.

19 октябрь — PFL гигантлар жанглари

^{Фото: Спорц}
Ҳар ярим йилда бир марта PFL ўзининг асосий “юлдузларини” йиғиб, катта турнир уюштиради. Ҳозирча аниқ бўлгани ва эътиборга молиги — Нганнунинг қайтиши.

Шунингдек, Эй Жей Маккининг Пол Хюз билан жангини ҳам эслаб ўтиш керак. Ирландиялик жангчи ҳали танилмаган бўлса-да, аммо улкан салоҳиятга эга. Макки аниқ фаворит, лекин Хюз ҳаммани ҳайратда қолдириши мумкинлигини куца бўлади.

26 октябрь — UFC 308

^{Фото: Спорц}
Октябрь ойининг асосий воқеаси одатдагидек Абу-Дабида бўлиб ўтади. Ягона янгилик шундаки, асосий жанг Нурмагомедов ёки Махачев эмас, балки Илия Топурия ва Макс Ҳоллоуэй ўртасида бўлади. Аммо кейинги кардларда биз яна чечен-доғистон жангчиларининг чиқишини кўрамиз: Ҳамзат Чимаев Роберт Уиттакер билан жангда чемпионлик пойгасига қўшилиш учун ҳаракат қилади, Магомед Анкалаев эса Александр Ракичга қарши жангда титул учун яна бир (сўнгги?) қадам ташлайди.

Яна бир ёрқин истиқболли жангчи Шарабудин Магомедов Арман Петросян билан куч синашади, британиялик Лероне Мерфи эса Ден Игенинг синовидан ўтади.

Умуман олганда, Александр Волков ва Сирил Ган ўртасидаги жанг Волковнинг жароҳати туфайли бекор бўлганига қарамасдан, кард жуда кучли.

Октябрь ойида UFC бир йўла иккита рақамли турнирини ўтказади. Фақат жангларнинг бекор қилинмаслиги ва кечиктирилмаслигини умид қилиш қолди.

Бундан ташқари, 12 октябрь куни мағлубият нималигини билмаётган боксчилар Дмитрий Бивол ва Артур Бетербиев ўртасидаги жангни ҳам унутмаслик керак — бу боксдаги энг кутилган жанглардан бири бўлади.

Хуллас, октябрь жуда оловли ўтади. “Замин” янгиликларини “Одноклассники”да кузатиб боринг