Дмитрий Бивол ва Артур Бетербиев жангдан сўнг қанча гонорар олиши аниқ бўлди

Саудия Арабистонида 12 октябрь куни ярим оғир вазн тоифасида мутлақ жаҳон чемпионлиги учун Артур Бетербиев (WBC, WBO ва IBF камарлари соҳиби) ва Дмитрий Бивол (WBA камари соҳиби) жанг қилади.

Boxing Kingdom’нинг хабар беришича, ҳар иккала боксчига 10 миллион доллардан гонорар кафолатланган. Шунингдек, боксчиларга қўшимча бонуслар бўлиши мумкинлиги ҳам инкор этилмади.

Эслатиб ўтамиз, Бетербиев ва Бивол 1 июнь куни тўқнаш келиши лозим эди, бироқ Артур жароҳат олгани боис, жанг қолдирилганди. Натижада, Бивол Малик Зинадга қарши жанг қилиб, уни 6-раундда нокаутга учратди.

Бивол 23 та жангининг 23 тасида ғалаба қозонган (12 таси нокаут билан). Бетербиев ҳам 20 та жангининг барчасида зафар қучган.

12 октябрь кунги оқшомда жанг қилувчи жуфтликлар билан танишинг:
- Артур Бетербиев (20-0, 20 КО), Россия — Дмитрий Бивол (23-0, 12 КО), Россия;
- Шакур Стивенсон (22-0, 10 КО), АҚШ – Жо Кордина (17-1, 9 КО), Британия;
- Крис Юбенк (33-3, 24 КО), Британия – Камил Шеремета (25-2-2, 8 КО), Польша;
- Фабио Уордли (17-0-1, 16 КО), Британия – Фрэйзер Кларк (8-0-1, 6 КО), Британия;
- Жей Опетайя (25-0, 19 КО), Австралия – Жек Масси (22-2, 12 КО), Британия;
- Бен Уиттакер (8-0, 5 КО), Британия – Лиам Кемерон (23-6, 10 КО), Британия;
- Скай Николсон (11-0, 1 КО), Австралия – Рейвен Чапмен (9-0, 2 КО), Британия;
- Муҳаммад Ал-Оқил (0-0, 0 КО), Саудия Арабистони – Хесус Гонсалес (3-2, 0 КО), Колумбия. “Замин” янгиликларини “Twitter”да кузатиб боринг