Ла Лига. “Реал” ўз уйида “Барселона”га йирик ҳисобда мағлубиятга учради (видео)

Футбол бўйича Испания чемпионатининг 11-туридан ўрин олган марказий учрашув Испания пойтахти Мадрид шаҳрида бўлиб ўтди.

Унда “Реал” клуби Каталониянинг “Барселона” клубини қабул қилди. Учрашувнинг биринчи бўлими тенг курашлар остида ўтди. Мезбонлар ҳужумчилари Винисиус ва Мбаппе голга жуда яқин келди. Аммо улар уюштирган ҳужумларнинг аксари офсайд сабаб ҳакам томонидан тўхтатилди. “Барселона”нинг тажрибали ҳужумчиси Левандовски ва Ямалда ҳам биринчи бўлимда яхши имконият бўлди. Афсуски, ҳужумчилар бундан фойдалана олмади.

30-дақиқада Мбаппе ҳисобни очди. Гол ВАР томонидан кўриб чиқилди ва бекор қилинди — офсайд. Биринчи бўлимда ҳисоб очилмади.

Учрашувнинг 54-дақиқасида Левандовски ҳисобни очди. Икки дақиқа ўтиб Левандовски бош билан гол уриб ҳисобни меҳмонлар учун ишончли ҳолатга келтирди.

Мбаппе ва Винисиуснинг иккинчи бўлимдаги зарбаларига баъзан аниқлик етмади, баъзан офсайд сабаб ҳужум тўхтатилди.

77-дақиқада Ямал ҳисобни 0-3 га етказди. 84-дақиқада Рафинья ҳисобдаги фарқни 4 тага етказди.

Шу тариқа, «Барса» 30 очко билан пешқадамликни давом эттирмоқда. «Реал» эса рақибидан 6 очко ортда қолиб, 24 очко билан 2-ўринда бормоқда.

Ла Лига
11-тур
26 октябрь, шанба

“Реал Мадрид” – “Барселона” 0:4
Голлар: 0:1 – Левандовски (54), 0:2 – Левандовски (56), 0:3 – Ямал (77), 0:4 – Рафинья (84).
“Реал Мадрид”: Лунин, Менди, Рюдигер, Милитао, Васкес, Камавинга (Браим Диас, 77), Тчуамени (Модрич, 63), Вальверде, Беллингҳем, Винисиус Жуниор, Мбаппе.
“Барселона”: Пеня, Балде, Мартинес, Кубарси, Кунде, Педри, Касадо (Ольмо, 65), Лопес (де Ёнг, 46), Рафинья, Ямал, Левандовски.
Огоҳлантиришлар: Касадо (44), Кунде (69), Мартинес (75), Винисиус Жуниор (80), Пеня (82).

Ла Лига, Реал, Барселона, Йирик ҳисоб, Мағлубият, Эл-Класико “Замин” янгиликларини “Twitter”да кузатиб боринг