2026 йилги жаҳон чемпионати Осиё минтақаси саралаш турнири учинчи босқичининг бешинчи тур учрашуви Ўзбекистон миллий терма жамоаси учун муваффақиятсиз якунланди.
Терма жамоа етакчиси, сардори ва тўпурари Элдор Шомуродов жуда эрта жароҳат олди ва ўйинни давом эттира олмасдан, 21-дақиқада ўрнини Жалолиддин Машариповга бўшатиб беришга мажбур бўлди.
Бу ҳамюртларимиз ўйинига таъсир қилди. Биринчи бўлимнинг ўзида иккита гол ўтказиб юбордик. Ўйиннинг иккинчи ярмида Аббосбек Файзуллаев мезбонлар дарвозасини боши билан икки марта ишғол қилиб, ҳисобни тенглаштирди. Бироқ тўхталишлар учун олти дақиқа қўшиб берилган бўлса-да, бош ҳакам мезбонлар ғалаба тўпини киритмагунича ҳуштагини чалмади. Оқибатда қўшиб берилган 12-дақиқада қатарликлар ўз мақсадига етди.
Италия матбуоти Ўзбекистон миллий терма жамоаси ва “Рома” ҳужумчиси Элдор Шомуродовнинг майдонни эрта тарк этганига эътибор қаратди.
SIAMOLAROMA.IT:
Тригорияни тарк этиб, ўз юрти терма жамоаси сафига қўшилганлар орасида Элдор Шомуродов ҳам бор. “Рома” ҳужумчиси Ўзбекистон миллий терма жамоасининг 2026 йилги жаҳон чемпионатининг навбатдаги саралаш учрашувларига чақиртирилган.
Шомуродов Қатарга қарши учрашувни бошланғич таркибда бошлади ва 21-дақиқада жароҳат туфайли майдонни тарк этди. Шифокорларнинг етти дақиқа давом этган “қутқарув операцияси”дан кейин кўзида ёш билан майдонни тарк этди.
Бу “Рома” учун хунук хабар. Рим клуби мутасаддилари Элдор Шомуродов атрофидаги вазиятни диққат билан кузатмоқда.
Ўзбекларнинг қатарликларга қарши учрашуви эса, 3:2 ҳисобида мезбонлар фойдасига ҳал бўлди. Аббосбек Файзуллаевнинг дубли камбэкка камлик қилди.
LAROMA24.IT:
“Рома” бош мураббий масаласини ҳал қилди. Клаудио Раньери расман “Рома” бош мураббийи этиб тайинланди. Шартнома мавсум охиригача тузилган ва ундан кейин 73 ёшли мутахассис клуб хўжайинларига спортга доир масалалар бўйича маслаҳатчи бўлиб фаолиятини “Рома”да давом эттираверадиган бўлди.
Клаудио Раньери дарров машғулотларни бошлаб юборди. Бироқ Римдаги янги фаолияти давомида биринчи муаммога ҳам дуч келди.
Бу Элдор Шомуродовнинг ҳолати билан боғлиқ масала. Тажрибали ҳужумчи Қатар ва Ўзбекистон миллий терма жамоалари беллашуви давомида жароҳат олиб, ўйинни тарк этишига тўғри келди. Шомуродов захира ўриндиғида алам билан кўз ёши тўкди.
TUTTOMERCATOWEB.COM:
Қатар ва Ўзбекистон ўртасидаги беллашувнинг 21-дақиқасида “Рома” ҳужумчиси Элдор Шомуродов жароҳат туфайли майдонни тарк этишга мажбур бўлди. “Кальяри” ва “Женоа”нинг собиқ футболчиси бундан жуда хафа бўлди, майдонни тушкун кайфиятда тарк этгани жароҳатнинг жиддий бўлиши мумкинлиги эҳтимолидан хавотир уйғотади.
Бу орада “Рома” Клаудио Раньерини расман бош мураббий сифатида таништирди. У мавсум охиригача қадар жамоага устозлик қилади, кейинчалик маслаҳатчи лавозимига ўтади. Унга қадар клуб жамоага бошқа муносиб бош мураббий қидиради.
Эслатиб ўтамиз, Элдор Шомуродов Ўзбекистон миллий терма жамоаси тарихида энг кўп гол урган футболчи ҳисобланади. 29 ёшли ўйинчимиз халқаро миқёсда 78 маротаба майдонга тушиб, рақиблар дарвозасини 41 марта ишғол қилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрдўғон Туркия Исроил билан алоқаларини узганини маълум қилди
Блинкен Исроилдан учта муаммони ҳал этишни талаб қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Ҳар қандай катта ёшдаги киши етук эмас
Боррел ЕИнинг Исроил билан мулоқотини тўхтатишни таклиф қилди
НАТО бош котиби Украинанинг фронтдаги аҳволи ёмонлашганини тан олди
Рақобат қўмитаси биржада Аи-80 бензини бошланғич нархига чеклов ўрнатди
РФ молия вазири: “Россия фуқароларига доллар керак эмас”
