Жаҳон спортининг тирик афсонаси Сергей Бубка Ўзбекистон Миллий олимпия қўмитасига ташриф буюрди.
Халқаро Олимпия қўмитаси ижроия қўмитаси аъзоси, Бутунжаҳон енгил атлетика федерацияси вице-президенти ҳамда Украина Миллий олимпия қўмитаси президенти Сергей Бубка Ўзбекистонга ташриф буюрди.
Сергей Назарович Бубка — лангарчўп билан сакраш бўйича таниқли спортчи, 6 метрдан баландроққа сакраган биринчи инсон, 1988 йилги Олимпия ўйинлари чемпиони, олти карра жаҳон чемпиони (1983, 1987, 1991, 1993, 1995, 1997). Фаолияти давомида 35 маротаба жаҳон рекордларини ўрнатган.
МОҚ матбуот хизматининг хабар қилишича, Сергей Бубка Миллий олимпия қўмитаси биносига Осиё енгил атлетика федерацияси вице-президенти Алексей Кондрат ҳамда Ўзбекистон енгил атлетика федерациясининг бош котиби Евгений Нуждин ҳамроҳлигида ташриф буюрди.
Мартабали меҳмон МОҚнинг янги биноси, кичик музей ва Республика спорт тиббиёти илмий-амалий марказини кўздан кечирди. Шундан сўнг иккала томон ўртасида ҳамкорлик меморандуми имзоланди. Унда Ўзбекистон ва Украина Миллий олимпия қўмиталари спортчиларни тайёрлаш, мураббийлар малакасини ошириш, спорт тиббиёти масалаларида тажриба алмашиш масалалари ўрин олган.
Музокаралар чоғида Сергей Бубка ва Алексей Кондрат Ўзбекистонда енгил атлетика бўйича нуфузли халқаро мусобақани ўтказиш имкониятларини муҳокама қилди.
Сергей Бубка Ўзбекистонда спорт соҳасида олиб борилаётган сиёсатга юқори баҳо бериб, мамлакат спортчиларининг XXXI ёзги Олимпия ўйинларида эришган натижаларига алоҳида тўхталиб ўтди. Меҳмон Рио-де-Жанейрода қўлга киритилган бу мувафақиятлар замирида Ўзбекистоннинг Биринчи Президенти Ислом Каримов хизматлари улкан эканини таъкидлади.
Эслатиб ўтамиз, Сергей Бубка бунга қадар 2014 йилнинг баҳорида Ўзбекистонга ташриф буюрган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади