Аббосбек Файзуллаев ўйнаётган ЦСКА клуби Россия кубоги мусобақасининг ярим финалига йўлланма олди.
“Армиячилар” чорак финалда “Рубин”га тўқнаш келди. Қозондаги биринчи учрашувда ҳисоб очилмаган эди. Москва шаҳри мезбонлик қилган жавоб ўйинида ЦСКА футболчиларини тўхтатиб бўлмади ва улар беллашувнинг 20-дақиқасидан бошлаб, жами 18 дақиқа ичида учта тўп киритди ва ярим финал йўлланмаси масаласини ҳал қилиб қўйди.
Ғалабага Аббосбек Файзуллаев жуда катта ҳисса қўшди. Фаол ўйнаган легионеримиз 30-дақиқада жамоасининг иккинчи голини урди. Маҳорат билан жуда мураккаб зарба йўллаб, тўпни дарвозага жойлаб қўйган ҳамюртимиз бу голи орқали учрашув тақдирини ҳал қилиб қўйди.
Қолган икки гол Келлвен ва Тамерлан Мусаев ҳиссасига тўғри келди.
Аббосбек Файзуллаев 72 дақиқа ҳаракат қилган бўлса-да, учрашувнинг энг яхши ўйинчиси, деб топилди ва махсус соврин билан тақдирланди.
Беллашувдан кейин футбол мутахассиси Валерий Масалитин учрашув ва ўйин қаҳрамони Аббосбек Файзуллаев ҳақида ўз фикрларини билдириб ўтди.
- Умуман олганда, натижа мени қониқтирди. Қизиқарли вазиятлар бўлди, лекин “армиячилар” ўйинида айтарли ўсишлар кўрингани йўқ. Улар жуда кўп кераксиз ва оддий хатоларга йўл қўйяпти. “Рубин” футболчилари зарбаси дарвоза устунига теккан вазият бўлди, унда йигитлар жуда бўш ўйнади ва рақибни ушлаб қола олмади.
Аббосбек Файзуллаев жуда яхши ўйнади, у ўзи кўниккан юқори даражадаги ўйинини намойиш қилди. Айниқса, жуда чиройли гол урди, бир-икки ҳаракат билан тўпни дарвоза тўрига аниқ жойлай олди, - деди Валерий Масалитин.
Таъкидлаш жоизки, Аббосбек Файзуллаев Париж Олимпиадасидаги иштирок туфайли ЦСКАнинг мавсумолди йиғинларида тўлиқ қатнаша олмаган ва ёзда деярли дам олиб, куч тўплай олмаган эди. Шу боис, унинг ўйинида чемпионат бошида пасайиш кузатилди ва легионеримиз танқидларга нишон бўлганди.
Бироқ кейинчалик 21 ёшли ҳужумкор футболчимиз яна спорт формасини тўлиқ тиклаб олди ва ЦСКАга ассистлари ва голлари билан фойда келтиришни бошлади. Бугунги кунда “армиячилар”нинг олдинги чизиқдаги муваффақиятлари кўпроқ ҳамюртимизнинг ўйинига боғланиб қолган.
Файзуллаев жорий мавсумда Россия Премьер-лигаси ва мамлакат кубоги доирасидаги учрашувларда жами 21 маротаба майдонга тушиб, ўз ҳисобига учта гол ва олтита ассист рамийлаштириб қўйди.
Айни пайтда transfermarkt.world портали ўзбек легионерини 6 миллион еврога баҳоламоқда. Ушбу портал трансфер суммаси маълумотларини яна янгиласа, Аббосбек Файзуллаевнинг нархи кўтарилиши кутиляпти. Легионеримиз ҳозирнинг ўзида Марказий Осиёнинг энг қимматбаҳо ўйинчиси ҳисобланади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
БААда исроиллик раввин ўлдириб кетилди
Украина Курск областида эгаллаб олган ҳудудларининг 40 фоиздан ортиғини йўқотди
Медведев: Махсус ҳарбий операция учун қуролларнинг аксарияти Россияда ишлаб чиқарилади
Абдусалом Азизов Ўзбекистон президенти ҳузуридаги Хавфсизлик кенгашига ўтказилди
Олимлар психоз ташхисини қўйишга ёрдам берадиган янги биомаркерни аниқлади
Филиппинда амалдор президент ва рафиқасини ўлдириш учун қотил ёллади
Максим Шацких "Истиқлол"га қарши ўйин олдидан нималар деди?
Хонанда Муниса Ризаева илк марта она бўлди
