13:49 / 13.10.2016
6 042

Жанубий Корея Ўзбекистонга қарши ўйин ўтадиган стадионни ўзгартирди

Жанубий Корея Ўзбекистонга қарши ўйин ўтадиган стадионни ўзгартирди

Ўзбекистон миллий терма жамоаси 15 ноябрь куни ЖЧ-2018 саралаш босқичи доирасида Жанубий Корея меҳмони бўлади. Бу ҳақда "Kun.uz" хабар берди.

Мезбонлар ушбу ўйинни бошқа шаҳар ва бошқа стадионга кўчиришди.

«Стадион» нашри маълумотига кўра, учрашув аввал белгиланганидек Сеонгвипо шаҳридаги стадионда эмас, Сеулдаги World Cup stadium ўйингоҳида ўтказиладиган бўлди. Бу стадион ўз бағрига 66704 мухлисни сиғдира олади.

Қайд этиш керакки, айнан шу стадионда икки жамоанинг ЖЧ-2014 саралаши доирасидаги, Анвар Шораҳмедовнинг автоголи билан эсда қолган учрашув бўлиб ўтганди.

Жанубий Корея - Ўзбекистон баҳси 15 ноябрь куни Тошкент вақти билан соат 16:00да бошланади.

Маълумот учун, «А» гуруҳида 4 турдан кейин Ўзбекистон гуруҳда 9 очко билан 2-ўринни эгаллаб турган бўлса, 2 очко камроқ тўплаган кореяликлар жамоаси 3-поғонадан жой олган. Ушбу икки жамоанинг кейинги учрашуви гуруҳнинг охирги турида, Тошкент шаҳрида бўлиб ўтади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Жанубий Корея Ўзбекистонга қарши ўйин ўтадиган стадионни ўзгартирди