Осиё чемпионати. Феруза Казакова камбэк амалга ошириб, Осиё чемпионига айланди

Таиландда бўлиб ўтаётган бокс бўйича катталар ўртасидаги Осиё чемпионатининг финал баҳслари давом этмоқда. Бугунги кун дастуридан ўрин олган иккинчи финалчимиз 52 кг вазн тоифасидаги Феруза Казакова украиналик Свитлана Уманскага қарши баҳс юритди.

1-раундда Казакова фаол ҳаракат қилган бўлса-да, рақиб дастлабки раундни ўз фойдасига ҳал қилди. Бироқ иккинчи раундда устунлик вакиламиз тарафида бўлди ва бу раундни тўлиқ ўзиники қилди. 3-раундга келиб, украиналикни бир бор нокдаун ҳолатига туширган юртдошимиз Феруза Казакова якунда ғалаба қозониб, чемпионатнинг олтин медалини қўлга киритди. «Замин»ни Telegram’да ўқинг!