Осиё чемпионати. Жавоҳир Умматалиев қозоғистонлик рақибини мағлуб этиб олтин медални қўлга киритди

Айни вақтда Таиланднинг Чианг Май шаҳрида катталар ўртасида Осиё чемпионатининг финал жанглари бўлиб ўтмоқда.

75 кг вазн тоифасида Жавоҳир Умматалиев Қозоғистон вакили Диас Молжигитовга қарши рингга кўтарилди. Бутун жанг мобайнида рақибига нисбатан фаолроқ ва аниқ ҳаракат қилган Жавоҳир якунда 5:0 ҳисобида ғалаба қозониб, олтин медалга эга чиқди.