ЖЧ—2026. Европа саралаш босқичига қуръа ташланди

Футбол бўйича 2026 йилги Жаҳон чемпионати Европа саралаш босқичига қуръа ташлаш маросими 13 декабрь куни бўлиб ўтди.

Қуръадан аввал терма жамоалар 5 та саватга ажратилди. Саралашда иштирок этувчи жамоалар 12 та гуруҳга тақсимланди ва ҳар бир гуруҳда 4-5 та жамоа ўйнайди.

ЖЧ-2026га гуруҳ ғолиби бўлган 12 миллий жамоа тўғридан-тўғри йўл олади. Қолган 4 та йўлланма эгаси 2026 йил март ойида ўтадиган плей-офф ўйинлари орқали аниқланади.

Унда гуруҳ босқичида иккинчи ўринни олган 12 жамоа ва Миллатлар лигасида гуруҳ ғолиби бўлиб, чемпионатга тўғридан-тўғри йўл ололмаган ёки плей-оффга чиқмаган 4 та энг яхши жамоа иштирок этади.

^{Фото: УЕФА}
Қуръа якунларига кўра, гуруҳлар қуйидаги жамоалардан ташкил топди:

А гуруҳи: Германия – Италия ўйини жуфтлиги ғолиби, Словакия, Шимолий Ирландия, Люксембург.
B гуруҳи: Швейцария, Швеция, Словения, Косово.
C гуруҳи: Португалия – Дания жуфтлиги мағлуби, Греция, Шотландия, Беларусь.
D гуруҳи: Франция – Хорватия жуфтлиги ғолиби, Украина, Исландия, Озарбайжон.
E гуруҳи: Испания – Нидерландия жуфтлиги ғолиби, Туркия, Грузия, Болгария.
F гуруҳи: Португалия – Дания жуфтлиги ғолиби, Венгрия, Ирландия, Арманистон.
G гуруҳи: Испания – Нидерландия жуфтлиги мағлуби, Польша, Финляндия, Литва, Малта.
H гуруҳи: Австрия, Руминия, Босния ва Герсеговина, Кипр, Сан-Марино.
I гуруҳи: Германия – Италия жуфтлиги мағлуби, Норвегия, Исроил, Эстония, Молдова.
J гуруҳи: Бельгия, Уэлс, Шимолий Македония, Қозоғистон, Лихтенштейн.
К гуруҳи: Англия, Сербия, Альбания, Латвия, Андорра.
L гуруҳи: Франция – Хорватия жуфтлиги мағлуби, Чехия, Черногория, Фарер ороллари, Гибралтар.

ЖЧ-2026 саралаш босқичи 2025 йил март ойидан ноябрь ойигача бўлиб ўтади.

Янгиликлар