Ўзбек футболининг энг иқтидорли тарбияланувчиларидан Аббосбек Файзуллаев 2023 йилнинг августида “Пахтакор”дан ЦСКАга 500 минг евро эвазига кўчиб ўтган эди.
Истеъдодли ҳужумкор футболчи қисқа фурсатда “армиячилар” етакчиси айланди. Дебют мавсумидаёқ Россия Премьер-лигасининг асосий кашфиёти сифатида эътироф этилди.
Бугунги кунда ЦСКАнинг ҳужум чизиғини ўзбек футболчисисиз тасаввур қилиб бўлмайди. Пойтахт клуби муваффақиятлари кўп жиҳатдан Аббоснинг ўйинига боғлиқ. Файзуллаев ЦСКАдаги асосий фигуралардан эканига ҳеч ким шубҳа қилмайди.
Бироқ 21 ёшли легионеримиз жамоада энг паст маош оладиган ўйинчилардан бири бўлиб қолаётган эди.
Яқинда Россиянинг Сashsport сайти ЦСКА футболчиларининг маошларини келтириб ўтди. Унга кўра, Файзуллаев йилига умумий ҳисобда 110 минг евро маблағ олаётгани айтилган.
Солиштириш учун унинг жамоадошларига тўланаётган суммаларни келтириш мумкин. Жумладан, жамоа сардори дарвозабон Игорь Акинфеевнинг йиллик маоши 1,6 миллион еврони ташкил этади. Игорь Дивеев 1,5, Иван Обляков 1,25, Данил Круговой 1 миллион евро маош олиши қайд этилган.
Яқинда Франциянинг “Монако” ва Испаниянинг “Реал Сосьедад” клублари Аббосбек Файзуллаевга жиддий қизиқаётгани ҳақида маълумотлар тарқатилди. Шундан сўнг, ЦСКА раҳбарияти ўзбек футболчисига янги шартнома таклиф қилиш ҳаракатига тушиб қолди. Гарчи ҳали томонлар янги битим бўйича якуний қарорга келмаган бўлса-да, “армиячилар” Файзуллаевнинг маошини кўтаришга қарор қилди.
Бу ҳақида таниқли инсайдер Иван Карпов маълум қилди: - Файзуллаев — клубда дебют қилганидан бери ЦСКАнинг энг самарали ўйинчиси бўлиб турибди. 21 ёшли футболчи Россия Премьер-лигаси ва мамлакат кубоги доирасида саккизта гол ва 15 та ассист қайд этган.
Бу кўрсаткич бўйича кучли учлик қуйидагича кўриниш олди:
• Файзуллаев — 23 (8 гол+15 пас)
• Мусаев — 20 (15 гол+5 пас)
• Келлвен — 17 (5 гол+12 пас).
Ушбу самарадорликни тақдирлаш лозим. Файзуллаевнинг шартномасида муайян шартлар бажарилса, маош кўтарилиши белгиланган. Бироқ, клуб раҳбарияти муддатидан аввал, яъни 1 декабрдан бошлаб, Аббоснинг маошини оширишга қарор қилди, - деб ёзмоқда Иван Карпов.
Аббосбек Файзуллаевнинг амалдаги шартномаси 2026 йилнинг ярмигача давом этиши белгиланган. Томонлар ўзаро келишув асосида ҳамкорликни яна бир мавсум узайтириш имкониятига эга.
Transfermarkt портали экспертлари 21 ёшли ҳужумкор футболчининг трансфер суммасини саккиз миллион еврога кўтарди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия Исроилни Голан тепаликлари борасида огоҳлантирди
Туркия Сурия чегарасида қўшин тўпламоқда
Туркия Суриянинг янги ҳукуматини ҳарбий соҳада қўллаб-қувватламоқчи
Наманганда халқаро кўргазма: қиймати хонадонга тенг отлар, 200 килоли қўйлар ва осмонга учирилган кабутарлар (фото, видео)
Дональд Трамп: “Президент Эрдўғон жуда ақлли, Асад эса шафқатсиз қассоб”
Трамп Зеленскийни уруш тугашига тайёрланишга чақирди
Сурия исёнчилари етакчиси мурожаат билан чиқди
Йўлга ноқонуний тўсиқларни ўрнатганлик учун жавобгарлик белгиланяпти
