Абдуқодир Ҳусанов трансфери атрофидаги маълумотлар тобора кўпайиб бормоқда. 20 ёшли марказий ҳимоячига даъвогар бўлган Европанинг ўндан зиёд клублари фаолиятини ёритиб келаётган оммавий ахборот воситаларининг ҳар бири ўзбек футболчиси ҳақида тинимсиз ахборот тарқатиб келмоқда.
Таъкидлаш жоизки, Ўзбекистон футболи тарихида бирорта ўзбек футболчиси бунчалар кўп даражада медиа назари остида бўлмаган.
Турли манбалар тарқатаётган сўнгги маълумотларга қараганда, Абдуқодир Ҳусанов айни пайтда “Ланс” сафида эмас ва навбатдаги учрашувларга тайёргарлик кўрмаяпти.
Ўзбек легионери трансфер масаласини охирига етказиш арафасида. “Манчестер Сити” уни ўз сафига қўшиб оладиган бўлди, Хосеп Гвардиола ўзбекистонлик йигитга имкон беришга қарор қилди ва трансферни маъқуллади.
Ҳусановнинг трансфери ўзбек футболида мутлақ рекорд бўлади. Манчестерликлар истеъдод соҳиби учун ғазнадан 50 миллион евро ажратишга қарор қилган.
Бунгача энг йирик трансфер Элдор Шомуродов номи билан боғлиқ бўлганди. 2021 йилнинг ёзида “Женоа”дан ўзбек футболчисини олиб ўтиш учун “Рома” умумий ҳисобда 19,6 миллион евро сарфлагани қайд этилган.
Россиянинг “Матч ТВ” сайти ўзбек футболи вакиллари фаолиятини ёритишга алоҳида эътибор қаратиб келади. Бу манба Абдуқодир Ҳусанов трансферига ойдинлик киритиш мақсадида легионеримиз манфаатларини ҳимоя қилиб келаётган Football Group LLC агентлигига мурожаат қилди.
— Кўплаб оммавий ахборот воситалари Абдуқодир Ҳусановнинг “Манчестер Сити”га ўтаётганини ёзмоқда. Бу ҳақиқатми? Музокара ўтказиляптими?
— Ҳа, бу айни ҳақиқат.
— Шартнома имзоландими?
— Ҳозир музокаралар давом этмоқда.
Таъкидлаш жоизки, аксарият ишончли ва нуфузли манбалар томонлар ўзаро ҳамкорлик масаласини деярли ҳал қилиб бўлгани ҳақида хабар тарқатмоқда.
Абдуқодир Ҳусанов айни пайтда Буюк Британиянинг ишчи визасини олиш учун ҳужжатларини топширган. Шу масала ҳал бўлиши билан томонлар беш йиллик шартномага имзо чекиши айтиляпти.
“Бунёдкор”да тарбиялаган, “Энергетик-БГУ”да профессионал фаолиятини бошлаган, “Ланс”да Европага танилган легионеримиз энди катта замонавий футбол ватани Англияни забт этишига умид қилиб қоламиз. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Инсайдер Романо Ҳусанов трансфери ҳақида янги пост қолдирди!
Абдуқодир Ҳусановнинг "Манчестер Сити"га ўтиши ўзбек футболи учун ҳам фойда келтиради
Абдуқодир Ҳусанов “Сити” билан 2030-йилгача шартнома тузади!
«Манчестер Сити» яна бир йирик трансферни амалга оширишга яқин...
Исроил Мадримов - Теренс Кроуфорд баҳси "Йил жанги" бўлиши мумкин
Пеп Гвардиола Ҳусанов трансферига қандай муносабат билдирди?
"Насаф" Камерун терма жамоаси собиқ аъзоси билан шартнома тузади
Абдуқодир Ҳусанов «Манчестер Сити» билан неча йиллик шартнома тузади?
