Бразилиялик футбол юлдузи Неймар 2017 йили “Барселона”дан ПСЖга ўтаётган пайт Лионель Месси унга нима деганини ошкор қилди.
"Месси менинг олдимга келиб, “Сен нега кетяпсан? Сен дунёда энг зўр футболчи бўлмоқчимисан? Мен сени энг зўр ўйинчига айлантира оламан”, деган эди", - деб эслади Неймар.
Неймар Каталония суперклуби сафида 2013-2017 йиллар давомида тўп терган. “Барселона” футболчиси сифатида 186 та учрашувда қатнашиб, 105 та гол ва 76 та ассист қайд этган.
Париж клуби бразилиялик юлдузни ўз сафига қўшиб олиш учун каталонияликларга 222 миллион евро тўлаган ва бу сумма ҳозир ҳам рекорд ҳисобланади.
Кейинчалик Лионель Месси “Барселона”дан кетиб, икки мавсум давомида Неймар билан бирга “Пари Сен-Жермен” шарафини ҳимоя қилди. 2023 йилнинг ёзида аргентиналик юлдуз АҚШга, бразилиялик ҳужумчи Саудия Арабистонига йўл олди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
