Абдуқодир Ҳусанов «Манчестер Сити»да 45-рақамда ўйнайди

«Манчестер Сити» клуби Абдуқодир Ҳусанов трансферини расман эълон қилмаган бўлса-да, унинг клуб спорт директори Чики Бегиристайн билан тушган сурати тармоқларда тарқалди.

Қозоғистон сайтларининг ёзишича, ўзбекистонлик 20 ёшли ҳимоячи шартнома имзолаш Манчестерга етиб борган. У билан агенти Ғайрат Хасбулиндан ташқари, футболчининг вакили сифатида қозоғистонлик Улуғбек Асанбаев ҳам борган.

Meta-ratings.kz сайтининг қайд этишича, шартнома имзолаш чоғида «Сити» бош мураббийи Пеп Гвардиола ҳам иштирок этган. Айнан испаниялик мураббий Абдуқодир Ҳусановнинг трансферини истаган.

Эслатиб ўтамиз, Абдуқодир Ҳусанов куни кеча Манчестерда тиббий кўрикдан ўтганди.

Абдуқодир Ҳусанов Чики Бегиристайн Ҳимоячи Манчестер Сити Янгиликлар