Англия Премьер-лигасининг (АПЛ) 22-турида "Манчестер Сити" сафарда "Ипсвич"ни 6:0 ҳисобида мағлубиятга учратди. Бу ғалаба жамоа бош мураббийи Хосеп Гвардиоланинг АПЛдаги яна бир тарихий ютуғига айланди.
Squawka маълумотига кўра, бу Гвардиола учун Англия чемпионатида жамоаси олти ёки ундан ортиқ гол урган 13-ўйин бўлиб, у ушбу натижа бўйича "Арсенал" собиқ мураббийи Арсен Венгер билан тенглашди. Қайд этиш керакки, фақат "Манчестер Юнайтед" афсонавий мураббийи сер Алекс Фергюсон бу кўрсаткич бўйича олдинда — унинг ҳисобида шундай 14 ўйин мавжуд.
АПЛ жадвалидаги вазият:
Ҳозирги пайтда "Манчестер Сити" турнир жадвалида тўртинчи ўринда бормоқда. Чемпионлар Лигаси мусобақасида эса 22-ўринда жойлашган. АПЛнинг 2024–2025 йилги мавсумида "Ливерпуль" 50 очко билан етакчилик қилмоқда.
Голлар муаллифлари:
Кечаги баҳсда "Манчестер Сити"нинг голлари қуйидаги футболчилар томонидан урилди: Фил Фоден (дубль), Матео Ковачич, Жереми Доку, Эрлинг Ҳоланд, Жеймс Макейти.
"Манчестер Сити"нинг бундай кўрсаткичлари жамоанинг барқарорлигини ва кучли ҳужум салоҳиятини яна бир бор намойиш этди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
