Собиқ футболчи Ҳусанов трансфери ҳақида: "Шундай истеъдодни пайқамаган эканмиз"

"Спартак" ва "Амкар" клубларининг собиқ ҳужумчиси Александр Прудников ҳимоячи Абдуқодир Ҳусановнинг "Манчестер Сити"га ўтишига муносабат билдирди.

- РПЛ клубларининг спорт директорларига қарата кўплаб саволлар бор. Ён атрофимизда баъзан биз сезмайдиган истеъдодлар бор ва уларни қўлдан бой берамиз. Бироқ, ҳақиқат шундаки, бизнинг клубларимиз унга эътибор қаратмаган, - деди собиқ футболчи.

Хабарингиз бор, Ҳусанов Англиянинг “Манчестер Сити” клуби билан деярли келишувга эришди. Фақатгина клуб мазкур трансферни эълон қилиши қолди холос. Маълум бўлишича, ҳамюртимиз манчестерликлар билан тўрт ярим йиллик шартномага имзо чеккан.

Эслатиб ўтамиз, Ҳусанов 2023 йилда "Ланс"га Беларуснинг "Энергетик-БГУ" клубидан бориб қўшилган эди. “Замин” янгиликларини “Telegram”да кузатиб боринг