Бу ҳимоячининг қилиғидан Гвардиола қаттиқ ранжиди

Яқингача “Манчестер Сити”га сардорлик қилган Кайл Уокер ижара асосида “Милан”га ўтди. 34 ёшли футболчининг кетиш олдидан қилган иши бош мураббий Хосеп Гвардиолага ёқмади, деб ёзади Sports.uz нашри.

The Athletic нашрининг ёзишича, англиялик футболчи клубдан кетиши ҳақидаги қарорни биринчи бўлиб бош мураббийга айтиш ўрнига, клуб спорт директори Чики Бегиристайн билан муҳокама қилган. Бу ҳолат испаниялик мутахассиснинг жаҳлини чиқарди.

Кайл аслида “Шеффилд Юнайтед” тарбияланувчиси ҳисобланади. Фаолияти давомида “Нортгемптон Таун”, “Тоттенхэм”, “Куинз Парк Рейнжерс” ва “Астон Вилла” жамоаларида ҳам ўйнаган.

“Манчестер Сити” бу футболчини айнан Хосеп Гвардиола бошқарув даврида, яъни 2017 йили трансфер қилган эди. Кайл клублар миқёсидаги барча совринларини айнан “шаҳарликлар” билан бирга қўлга киритган.

Шунингдек, Уокер Англия миллий терма жамоаси сафида 93 та учрашувда майдонга тушиб, ҳимоядаги вазифаларини бажаришдан ташқари битта гол ҳам урган. “Замин” янгиликларини “Telegram”да кузатиб боринг