Ла Лига президенти Хавьер Тебас “Реал Мадрид”нинг “Эспаньол”га қарши ўйиндан сўнг Испания Қироллик футбол федерациясига шикоят аризаси юборгани борасида кескин фикр билдирди.
“Қироллик клуби” раҳбарияти мазкур аризада мамлакатдаги ҳакамлик тизимини тўлиқ янгилашни талаб қилган.
Тебас бу ҳолатга қуйидагича муносабат билдирди:
- "Реал” ўзини жабрланган тараф сифатида кўрсатишда давом этмоқда, бу эса ҳақиқатга мос келмайди. Улар бу ҳаракатлари билан Ла Лигага зарар етказишни мақсад қилган. “Негрейра иши” бўйича ҳам улар вазиятни нотўғри талқин қилишмоқда.
Албатта, Негрейра ҳакамларнинг нуфузи ва мавқеига таъсир ўтказгани исботланган, аммо ҳакамларга пул берилгани ҳали аниқланмаган. “Реал” эса, ҳали ҳам ўзини қурбон сифатида кўрсатишда давом этяпти.
Уларнинг бу шикояти мусобақа бутунлай нохолис эканини иддао қилишга уринишдан иборат. Менимча, уларнинг “томи кетган”, — деди Тебас. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
