Отабек Шукуровнинг Роналдуга қарши ўйини қандай баҳоланди?

Футбол бўйича Саудия Про лигасининг 19-туридан ўрин олган “Ан-Насср” ва “Ал-Фейҳа” клублари ўртасидаги учрашув кеча бўлиб ўтди.

Ушбу учрашувда “Ан-Насср” 3:0 ҳисобида ғалаба қозонди. “Ан-Насср” таркибида Дуран дубль қайд этган бўлса, 3-голга Криштиану Роналду муаллифлик қилди.

^{Фото: Instagram}
“Ал-Фейҳа” клуби асосий таркибида Ўзбекистон терма жамоаси аъзоси Отабек Шукуров майдонга тушди ва 79 дақиқа ҳаракат қилди. Sofascore нашри Отабек Шукуровнинг ўйинини 6,7 баллга лойиқ кўрди. Меҳмонлар таркибида ҳужумчи Рензо Лопез энг кўп 6,9 баллга лойиқ кўрилган.

^{Фото: Sofascore}
Мезбонлар таркибида иккита гол урган Дуран энг юқори 9,1 балл билан баҳоланди ва ўйиннинг энг яхши футболчиси сифатида эътироф этилди. Садио Мане 8,3 баллга лойиқ кўрилган бўлса, Роналдуга 7,1 балл қўйилди.

“Ан-Насср” ушбу ғалабадан сўнг очколари сонини 41 тага етказиб олди ва турнир жадвалининг 3-ўрнида бормоқда. “Ал-Фейҳа” эса 16 очко билан 14-ўринда жойлашган. “Замин” янгиликларини “Telegram”да кузатиб боринг