Европа Чемпионлар лигаси плей-офф ўтиш босқичининг дастлабки ўйинида “Манчестер Сити” ўз мухлислари кўз ўнгида “Реал”ни қабул қилди.
Гарчи учрашувда Эрлинг Холанд мезбонларни икки маротаба олдинга олиб чиққан бўлса-да, мадридликлар ғалабани илиб кетди. Карло Анчелотти шогирдлари урган учта гол Килиан Мбаппе, Браим Диас ва Жуд Беллингем ҳисобига ёзилди.
Беллашувдан кейин Хосеп Гвардиола мағлубият сабабини айтиб, жавогарликни ўз зиммасига олди.
- Бунақаси жорий мавсумда жуда кўп содир бўлмоқда. Ҳаддан ташқари кўп. Гап шундаки, буларнинг ҳаммаси мураббийнинг ёмон қарорлари натижасидир. Бори шу.
Биз ижобий натижани қўлга киритишга жуда яқин турган эдик, лекин сўнгги дақиқаларда гол ўтказиб юбордик ва ҳатто дурангни ҳам ушлаб қола олмадик, - деди Хосеп Гвардиола.
Европа Чемпионлар лигасида иштирок этиш имконияга эга бўлган ягона ўзбек футболчиси Абдуқодир Ҳусанов бу гал захирада қолдирилди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
