Ҳимояни “бетонлаб ташлаган” Абдуқодир Ҳусановнинг ўйини қандай баҳоланди?

Абдуқодир Ҳусанов “Тоттенҳэм”га қарши ўйин қаҳрамонларидан бирига айланди

Англия Премьер-лигасининг 27-турида “Манчестер Сити” Лондонга сафар қилиб, “Тоттенхэм” майдонидан уч очко олиб қайтди.

Англия Премьер-лигасининг 27-туридан ўрин олган “Тоттенҳэм” – “Манчестер Сити” баҳси манчестерликлар учун муҳим ғалаба билан якунланди. Хосеп Гвардиола шогирдлари Лондондан 1:0 ҳисобидаги минимал устунлик билан қайтишди. Учинчи дақиқада Эрлинг Холанд жароҳатдан қайтиб, муҳим ғалабани таъминлади.

Бироқ бу баҳсда энг кўп эътироф этилган ўйинчилардан бири ҳимоя чизиғида бениҳоя ишончли ўйин кўрсатган ўзбекистонлик легионер Абдуқодир Ҳусанов бўлди.

Ҳимояда ишончли тўсиқ – Ҳусанов

Нуфузли манбалардан бири CityXtra сайтининг баҳо беришича, Абдуқодир Ҳусанов ва Эрлинг Холанд ушбу учрашувнинг энг яхши футболчилари бўлишди. Ҳусанов рақиб ҳужумларини йўққа чиқаришда қатъиятли ҳаракат қилиб, жамоасига муҳим уч очко олиб келишда катта ҳисса қўшди.

Ўйинчиларнинг баҳолари

🔥 Абдуқодир Ҳусанов – 8 балл
Январда жамоага қўшилганига қарамай, ўзини энг муҳим футболчилардан бири сифатида намоён қилмоқда. У ҳимоя чизиғида аъло даражада ҳаракат қилиб, рақиб ҳужумларини бартараф этди.

⚡ Эрлинг Холанд – 8 балл
Жароҳатдан қайтган норвегиялик суперҳужумчи “Сити”нинг ягона голини киритиб, жамоасига ғалаба келтирди.

🧤 Эдерсон – 8,5 балл
Бразилиялик дарвозабон бугунги учрашувда “Манчестер Сити”нинг асосий таянчи бўлди ва бир неча дақиқали сэйвлар билан жамоасини қутқарди.

Рубен Диас – 7 балл
Ҳусанов билан яхши шерикликда ҳаракат қилиб, рақибга ҳужум қилиш имкониятини минимал даражага туширди.

Жереми Доку – 7,5 балл
Мезбонлар ҳимоячиси Педро Поррони қийнаб қўйди, дриблинглари билан рақиб ҳимоясини тарқатишга ҳаракат қилди.

Умар Мармуш – 5 балл
Янги футболчи сифатида ҳаракат қилди, аммо рақиб ҳимоячиларининг босими сабабли кутилганча ўйин намоён эта олмади.

Йошко Гвардиол – 6:
Хорватиялик футболчи умуман олганда ҳимоянинг чап қанотида анча ишончли ўйнади. Бироқ баҳс давомида шошиб қолган вазиятлар ҳам бўлди.

Нико Гонсалес – 6:
Трансфер ойнаси ёпилиши арафасида келган бу янги футболчи ҳам “Манчестер Сити” таркибига ўрнашиб олди. Нико тўпни назорат қилишга ёрдам берди.

Матеус Нуньес – 6:
“Манчестер Сити”нинг 27-рақамли ўйинчиси биринчи бўлимда жуда яхши натижаларни қайд этди. Бироқ ўйиннинг иккинчи ярмида ҳимояда муаммоларга дуч келди.

Матео Ковачич – 7:
Тажрибали ярим ҳимоячи бутун учрашув давомида майдон марказида тартиб ўрнатди ва уни назорат остида ушлади. Паслари ва тўпни ушлаб туриш маҳорати кўзга ташланди.

Савиньо – 5:
Бу гал ўйини кутилган даражада бўлмади. У ҳисобдаги фарқни ошириш учун жуда зўр имкониятга эга бўлганди. Лекин ундан фойдалана олмади.

Фил Фоден – 6:
Англия терма жамоаси ўйинчиси 74-дақиқада майдонга тушиб, майдон марказида устунликни ушлаб туришга ҳаракат қилди.

Бернарду Силва – 5:
Португалиялик юлдуз бу гал ўйинга таъсир ўтказа олмади. Шу билан бирга ўйин кўриниши бузгани ҳам йўқ.

📌Ҳусанов “Сити”нинг асосий фигурасига айланмоқда!

“Челси”га қарши ноаниқ ўйиндан кейин Ҳусанов ҳар сафар майдонга тушганида ўсишда давом этмоқда. “Реал”, “Ливерпуль” ва “Ньюкасл” каби жамоаларга қарши муваффақиятли ҳаракат қилганидан сўнг, у бу гал “Тоттенҳэм”га қарши яна бир юксак даражадаги ўйин кўрсатди.

Гвардиола ҳам унга ишонч билдиришда давом этяпти ва мухлислар келгуси баҳсларда ҳам Ҳусановдан шундай юқори даражадаги ўйинларни кутмоқда.

⚽ Навбатдаги учрашув:
“Манчестер Сити” Премьер-лиганинг 28-турида “Ноттингем Форест”га қарши кураш олиб боради. Абдуқодир Ҳусанов ушбу баҳсда ҳам асосий таркибда майдонга тушиши кутилмоқда. “Замин” янгиликларини “Telegram”да кузатиб боринг