"Реал Мадрид" - "Атлетико". Машҳур сайтлар баҳс натижасини тахмин қилди

Бугун УЕФА Чемпионлар Лигаси нимчорак финал босқичида футбол ишқибозлари учун жуда қизиқарли тўқнашув бўлиб ўтади. "Реал Мадрид" ва "Атлетико Мадрид" ўртасидаги Мадрид дербиси томошабоп ўтишини ҳеч ким инкор этмайди.

Бир неча машҳур футбол таҳлилчилари ва сайтлари ушбу баҳс натижасига ўз тахминларини эълон қилди. Улардан айримлари қуйидагича:

SPORTSKEEDA нашри "Реал Мадрид" ғалаба қозонишини тахмин қилди: "Реал Мадрид" 3:2 "Атлетико".

90MIN ҳам "Қироллик клуби"ни фаворит сифатида кўрсатди: "Реал Мадрид" 2:1 "Атлетико".

SportMole эса баҳс тенг кураш остида кечиши ва дуранг натижа қайд этилишини тахмин қилди: "Реал Мадрид" 1:1 "Атлетико".

Мадрид дербиси ҳар доим юқори шиддат ва кескинлик билан ўтиши билан машҳур. Бу гал ҳам мухлислар кутганча шиддатли ва драматик ўйин бўлиши кутилмоқда. "Реал Мадрид" ўз майдонида кучли ўйин намойиш этиши билан маълум, бироқ "Атлетико" Симеоне бошчилигида ҳар қандай рақибга қарши қаттиқ кураш олиб бора олади.

Учрашув вақти: Тошкент вақти билан соат 01:00 да старт олади. Мухлислар учун ҳақиқий дерби руҳидаги кеча бўлиши аниқ!

Қайси жамоа ғалаба қозонишини вақт кўрсатади, аммо бир нарса аниқ – бу баҳс футболи ишқибозлари учун унутилмас кечалардан бири бўлади! “Замин” янгиликларини “Telegram”да кузатиб боринг