“Манчестер Сити”нинг ёш ва иқтидорли ҳимоячиси Абдуқодир Ҳусанов мухлислар орасида катта эътирофга сазовор бўлмоқда. Жамоа ишқибозлари унинг ўйинидан ҳайратга тушиб, ўзбекистонлик футболчига янги лақаб берди – “Узбеккенбауэр”. Бу ҳақда футбол эксперти Вадим Лукомский хабар берди.
Ҳусанов – “Манчестер Сити”нинг февраль ойидаги энг яхши ўйинчиси!
Абдуқодир Ҳусанов нафақат ойнинг энг яхши футболчиси совринига эга чиқди, балки клуб тарихида рекорд ўрнатиб, энг кўп овоз тўплаган ўйинчига айланди. Мухлислар эса бу ютуқни ажойиб лақаб билан мустаҳкамлашди – “Узбеккенбауэр”.
Нега айнан “Узбеккенбауэр”?
Бу лақаб афсонавий немис ҳимоячиси Франс Беккенбауэр номига асосланган. Беккенбауэр футбол тарихидаги энг буюк ҳимоячилардан бири сифатида тан олинган. У нафақат ҳимояда ишончли ҳаракат қилган, балки етакчилик қобилияти ва мукаммал ўйин услуби билан ҳам машҳур бўлган. Абдуқодир Ҳусановнинг майдондаги ҳаракатлари ва ҳимоядаги ўйини мухлисларга айнан ушбу даҳони эслатмоқда.
Февраль ойидаги ажойиб натижалар
Абдуқодир Ҳусанов февраль ойида жамоаси учун 5 та ўйинда майдонга тушди ва 1 гол уришга муваффақ бўлди. Унинг майдондаги хотиржамлиги, узоқ паслари ва ҳимоядаги чидамли ҳаракатлари Гвардиола жамоаси учун муҳим аҳамият касб этмоқда.
Ҳусановнинг келажаги қандай бўлади?
Ҳозирнинг ўзида Абдуқодир Ҳусановни Европа футболидаги янги юлдуз сифатида эътироф этишмоқда. Уни машҳур ҳимоячиларга қиёслашлари бежиз эмас. Агар у шундай ривожланишда давом этса, “Манчестер Сити”да асосий таркиб ўйинчисига айланиши аниқ.
“Узбеккенбауэр” – бу фақат бошланиши!
Мухлислар унинг ўйинларини катта қизиқиш билан кузатмоқда ва “Узбеккенбауэр” лақаби ортида улкан футбол тарихи ётиши мумкин. Ҳусанов фақат “Сити”нинг эмас, балки бутун ўзбек футболи шарафини ҳимоя қилаётгани билан янада эътиборли! “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
