Пеп Гвардиола: "Агар "Манчестер Сити" ЕЧЛга чиқа олмаса, ҳаёт тугамайди"

Пеп Гвардиола "Ноттингем Форрест"га қарши ўйин олдидан қуйидаги фикрларни билдирди:
“Абдуқодир Ҳусановнинг ўйинларга таъсири ажойиб бўлди. Витор ҳам Плимутга қарши яхши ўйин ўтказди.

Биз ўтган 8-10 ҳафта ҳақида гапираяпмиз, бу анчагина кўп вақт. Омадимиз келгани - клуб бу футболчиларни ёзда олиб келишдан кўра, қишда жамоага қўшиб олиши бўлди. Йўқса биз катта муаммоларга юз тутган бўлардик”.

Шунингдек, "Манчестер Сити" бош мураббийи Пеп Гвардиола жамоасининг Европа Чемпионлар Лигасига йўлланма олмаслиги катта фалокат эмаслигини таъкидлади. Унинг сўзларига кўра, клублар доимо босим остида бўлади, аммо бу футболнинг бир қисми ҳисобланади.

"ЕЧЛга чиқишни хоҳлаймиз, лекин бу ҳамма нарсанинг охири эмас"

Гвардиола ушбу мавсумда "Манчестер Сити" учун вазият идеал эмаслигини тан олди, бироқ жамоа барибир чемпионлик ва ЕЧЛ йўлланмаси учун курашда қолмоқда.

"Катта клубларда доимо босим бўлиб келган. Биз албатта ЕЧЛга чиқишни истаймиз, бироқ бу амалга ошмаса ҳам, дунё тугаб қолмайди. Бу ҳолат биз етарлича кучли бўлмаганимизни, рақиблар эса бунга муносиблигини англатади. Аммо биз барча имкониятларимиздан фойдаланишга ҳаракат қиламиз", — деди Гвардиола.

АПЛдаги вазият

Ҳозирда "Манчестер Сити" Англия Премьер Лигаси турнир жадвалида 4-ўринни эгаллаб турибди. Бу мавқе Гвардиола жамоасига Чемпионлар Лигаси йўлланмасини қўлга киритиш имконини беради, бироқ мавсум якунигача жамоага жиддий рақобат кутилмоқда.

"Ҳозирги ҳолатимиз идеал эмас, бироқ ёмон ҳам эмас. Барчаси ўз қўлимизда ва биз ЕЧЛ учун курашамиз", — дея қўшимча қилди мураббий.

Гвардиоланинг фикрича, "Манчестер Сити" мавсум охиригача ўз позициясини яхшилаш ва Чемпионлар Лигаси йўлланмасини қўлга киритиш учун барча имкониятларга эга. “Замин” янгиликларини “Telegram”да кузатиб боринг