Мексикалик ҳимоячидан фантастик чаён голи: "Атлас"нинг камбек асосчиси (видео)

Мексика чемпионатида мухлисларни ҳайратда қолдирган ажойиб гол қайд этилди. "Атлас" клуби ҳимоячиси Матеус Дорис нафақат ўзи учун, балки жамоаси учун ҳам тарихий бўлган фантастик зарба йўллади. У жамоасининг 0:3 ҳисобида ортда кетаётганида, 61-дақиқада футбол оламини лол қолдирган гол урди.

Тезкор бурчак зарбасидан кейин рақиб жарима майдонида жуда оғир вазият ҳосил бўлди. Тўп Матеус Дорис томон йўналганда, у классик “чаён зарбаси”ни бажариб, дарвозага йўллади. Бу маҳоратли зарбани дарвозабон қайтаролмади ва ҳисоб 3:1 кўринишига келди.

Айнан шу голдан кейин "Атлас" футболчилари руҳланиб кетишди ва 4:3 ҳисобида ғалабани илиб кетишди. Бу нафақат "Атлас" учун, балки Мексика чемпионати тарихидаги энг катта камбеклардан бири бўлиб қолди.

Мухлислар ва футбол таҳлилчилари Дориснинг ушбу голини мавсумнинг энг гўзал урилган тўпларидан бири деб ҳисоблашмоқда. Унинг бу маҳоратли ҳаракати жамоасини кучли ирода ва руҳ билан ғалабага етаклаганини таъкидлаш мумкин. «Замин»ни Telegram’да ўқинг!