Суперлиганинг 2-туридан ўрин олган "Андижон" - "Насаф" (1:1) учрашувидан сўнг меҳмонлар бош мураббийи Рўзиқул Бердиев матбуот анжуманида иштирок этди.
- Ажойиб ўйин бўлди. Бундай муҳитда ўйнаш ҳар бир жамоа учун ёқимли. Мухлисларга миннатдорчилик билдириш керак.
Ўйиннинг бошидаги босимга дош бера олмадик. Шунинг эвазига гол ўтказиб юбордик. Тўп назоратига урғу қаратдик ва вазиятлар ярата олдик. Иккинчи бўлимда ҳар икки жамоада имкониятлар бўлди. Бироқ, бугун дуранг натижа қайд этилди.
- "Сўғдиёна" билан ўйиндан кейин бугун ротация қилганингизга сабаб нима?
- Биз ўзгаришларга мажбур бўлдик. Шерзод Насруллаев жароҳат олди. Нуруллаев ва Чолович ротация қилинди. Таркибимизда етарлича футболчилар бор, барчасига имконият тақдим этишимиз керак.
- Хебай 2 та турдан буён ўйнамаяпти. Унинг ҳолати қандай?
- Хебайнинг ҳолати яхши, бир оз бетоб. ФИФА кунларидаги танаффусдан сўнг жамоа сафига қайтади.
Манба: championat.asia
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
