Испания Ла Лигасининг 28-турида "Реал Мадрид" сафарда "Вильярреал" устидан 2:1 ҳисобида ғалаба қозонди. Учрашувдаги барча голлар биринчи бўлимда урилди.
Биринчи бўлиб ҳисобни Хуан Фойт очди – у 7-дақиқада мезбонларни олдинга олиб чиқди. Бироқ Килиан Мбаппе "қироллик клуби"ни тезда ўйинга қайтарди. Франциялик ҳужумчи 17-дақиқада ҳисобни тенглаштирди, 23-дақиқада эса иккинчи голни урган ҳолда жамоасига ғалаба келтирди.
Ҳар икки жамоа фаол ўйин намойиш этди. "Вильярреал" рақиб дарвозасига 23 та зарба йўллади, "Реал Мадрид" эса 9 марта уриниш қилди. Бошқарувда эса "Реал Мадрид" устунлик қилди – тўпга эгалик қилиш 55% бўлди.
Бу ғалаба орқали Карло Анчелотти шогирдлари 60 очко жамғариб, Ла Лигада пешқадамлигини сақлаб қолди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
