Лондоннинг "Челси" клуби ёзги трансферлар вақтида ўз таркибида жуда катта ўзгаришлар қилишни режалаштирмоқда. Клуб янги лойиҳани амалга оширишга киришгани ҳақида хабарлар эълон қилинди. Лондонликлар, Жованни Кенди ва Дарио Эссугу сингари ёш ва истеъдодли ўйинчилар учун 60 миллион фунт миқдорида маблағ сарф қилишга рози бўлишган.
“Аристократлар”нинг янги лойиҳаси, шубҳасиз, жамоадаги тажриба ва истеъдодни яхшилашга қаратилган. Янги ўйинчиларни олиш, мавсум якунланганидан кейин ҳам давом этади. Клуб мутасаддилари, шунингдек, мураббийлар ишончини оқламаган ўйинчилардан 15 нафарини сотиб юбориш ва шундан келиб чиқиб, ғазнага 340 миллион фунт тушум қилишни режалаштирмоқда.
Трансферлар рўйхатига кўра, ёзда “Челси”дан кетиши керак бўлган ўйинчиларнинг айримлари, жумладан, гранд клубларда ўзининг келажагини топиш учун янги имкониятлар излаяпти. Шундай қилиб, уларнинг айримлари бироз камроқ нарх билан сотилади, бошқалари эса катта суммаларга харид қилинади.
Клубдан кетиши керак бўлган ўйинчилар ва уларнинг аниқ нархлари:
- Кепа — £10 млн
- Роберт Санчес — £15 млн
- Трево Чалоба — £15 млн
- Хамфрис — £10 млн
- Аксель Дисаси — £25 млн
- Габриэл Вейга — £30 млн
- Бен Чилуэлл — £5 млн
- Лесли Угочукву — £25 млн
- Карни Чуквуэмека — £40 млн
- Кирнан Дьюсбери-Холл — £25 млн
- Жоау Феликс — £35 млн
- Рахим Стерлинг — £10 млн
- Нони Мадуэке — £50 млн
- Кристофер Нкунку — £40 млн
- Армандо Броя — £5 млн.
Трансферлардан келадиган сумма клубнинг янги ижрочиларни олиб келиш учун йўналтирилиши режалаштирилган. Бу ўзгаришлар клубнинг янги стратегиясини ва келгусидаги мақсадларини янада мустаҳкамлайди. "Челси"нинг ёзги трансферлар бозоридаги ҳаракатлари клубнинг ўз таркибини кучайтириш ва янги футболчиларни жамоага олиб келиш мақсадидаги аниқ қадамларни кўрсатмоқда. Мухлислар учун бу янги бошланиш ва клубнинг келажаги учун муҳим қадам бўлади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
