Португалия терма жамоаси ва Саудиянинг "Ан-Наср" клуби ҳужумчиси Криштиану Роналду Данияга қарши ўйиндан олдинги матбуот анжуманида журналист билан тортишиб қолди.
Матбуот анжумани чоғида мухбир Португалия терма жамоасига ва унинг бош мураббийи Роберто Мартинесга қаратилган танқидлар ҳақида савол берди. Бу саволга жавобан Роналду ОАВ терма жамоа атрофида ҳаддан ташқари кўп негатив муҳит яратаётганини таъкидлади.
"Ҳурматсизликдан қочинг"
Журналистнинг саволига жавобан, 40 ёшли футболчи шундай деди: "Баъзи саволларингиз шунчаки ҳурматсизлик. Агар мендан жавоб олишни истасангиз, савол берганингизда кўзимга қаранг".
Роналду шунингдек, журналистдан жавоблари вақтида компютерга қарамасликни талаб қилди. Агар керак бўлса, буни ўн марта такрорлашга тайёр эканини ҳам қўшимча қилди.
Португалия Данияга қарши реванш учун майдонга тушди
Миллатлар Лигаси чорак финалининг жавоб учрашуви бугун бўлиб ўтди. Биринчи баҳсда Дания Португалияни 1:0 ҳисобида мағлуб этган эди. Португалия жамоаси бу ўйинда 5:2 ҳисобида ғалаба қозонди ва ярим финалга йўл олди. Голлардан бирини ўйиннинг 72-дақиқасида Криштиану Роналду киритди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
