Ўзбекистон терма жамоаси Жаҳон чемпионати йўлланмасига яқинлашди!

We Global Football нашри 2026 йилги Жаҳон чемпионати саралаш босқичи бўйича Осиё терма жамоаларининг прогнозларини эълон қилди. Унга кўра, Ўзбекистон терма жамоасининг 3-босқичда йўлланма олиш эҳтимоли 96 фоиз деб баҳоланган. Бу натижа юртдошларимизнинг тарихий мундиалга чиқиш учун катта имкониятга эга эканлигини кўрсатади.

Эрон – гуруҳ етакчиси

А гуруҳида Эрон терма жамоаси 100 фоиз эҳтимол билан Жаҳон чемпионатига йўл олган. Улар 96,9% эҳтимол билан 1-ўринни, қолган 3,1% эҳтимол билан 2-ўринни эгаллайди. Бу жамоа учун саралаш расман якунланган дея олиш мумкин.

Ўзбекистонга сўнгги босқичдаги баҳслар муҳим

Ҳозирда Ўзбекистон терма жамоаси 96% эҳтимол билан тўғридан-тўғри мундиалга йўл олади. Аммо жамоа ушбу имкониятни расман нақд қилиши учун БАА ва Қатарга қарши сўнгги икки ўйинда яхши натижа қайд этиши лозим.

Саралаш тақвими:

5 июнь – БАА (сафарда)
10 июнь – Қатар (уйда)

БАА терма жамоаси 4% эҳтимол билан тўғридан-тўғри йўлланма олиши мумкин, аммо уларнинг асосий имконияти плей-оффга чиқиш (96%) ҳисобланади. Бу эса Ўзбекистон учун 5 июнь куниги сафар ўйини жуда муҳим эканлигини кўрсатади.

Бошқа гуруҳлардаги ҳолат

B гуруҳи:

• Корея Республикаси (94.2%) мундиалга йўл олишга деярли ишончли.
  
• Иордания (68.1%) ҳам юқори имкониятга эга.
  
• Ироқ (23.6%) ва Умон (8.2%) эса қийин аҳволда.
  

C гуруҳи:

• Япония (100%) барча ўйинлардан мундиалга йўл олган.
  
• Австралия (93.7%) ҳам яхши ҳолатда.
  
• Саудия Арабистони (6.2%) плей-офф имкониятини сақлаб қолган.
  

Ўзбекистон терма жамоаси учун 2026 йилги Жаҳон чемпионатига чиқиш учун тарихий имконият яратилган. Жамоамиз БАА ва Қатарга қарши ўйинларда яхши натижа қайд этса, илк марта мундиалда иштирок этиши мумкин. Ҳозирча 96% эҳтимол билан йўлланма қўлга киритилган, аммо сўнгги ўйинлар барибир ҳал қилувчи аҳамият касб этади.

Футбол ихлосмандлари терма жамоамизнинг ҳал қилувчи баҳслардаги иштирокига катта умид боғламоқда. Ишонамизки, 2026 йил АҚШ, Канада ва Мексика майдонларида Ўзбекистон терма жамоасини кўрамиз! “Замин” янгиликларини “Telegram”да кузатиб боринг