Бразилия футбол конфедерацияси миллий терма жамоа бош мураббийи Доривал Жуниорни лавозимидан озод этиш ҳақида қарор қабул қилди. Бу ҳақда UOL нашри хабар тарқатди.
Мағлубият сабаб бўлди
Бразилия раҳбарияти ушбу қарорга келишининг асосий сабаби — 2026 йилги жаҳон чемпионати саралаш турнири доирасида Аргентинага 1:4 ҳисобида мағлуб бўлиш бўлди. Бундай йирик мағлубият Бразилия футболида жиддий танқидларга сабаб бўлди.
Масалалар фақат мағлубиятда эмас
Аслида, Доривал Жуниорга эътирозлар олдиндан ҳам мавжуд эди. Хусусан, ўтган йили Америка Кубогида терма жамоа етарлича ишончли ўйин намойиш этмагани раҳбариятда шубҳалар уйғотган.
Шунингдек, мураббийнинг ўзига ёрдамчи сифатида ўғли Лукас Сильвестрни ишга олиши ҳам мунозараларга сабаб бўлди. Илгари бу вазифада катта тажрибага эга собиқ ҳимоячи Жуан фаолият юритган бўлиб, унинг ўрнини мураббийнинг ўғли эгаллаши раҳбариятга ёқмаган.
Доривал Жуниорнинг қисқа фаолияти
62 ёшли мутахассис 2024 йилнинг январида Бразилия терма жамоаси бош мураббийи лавозимини қабул қилиб олган эди. Бироқ унинг қўл остида беш карра жаҳон чемпионлари мундиал саралаш мусобақасида тўртинчи ўринда кетмоқда.
Ҳозирча Бразилия терма жамоасининг янги бош мураббийи ким бўлиши ҳақида расмий маълумот берилмаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
