Футбол майдонидаги ҳар бир гол – футболчи учун алоҳида аҳамиятга эга. Кимдир уни ғалаба нишонаси сифатида нишонласа, яна кимдир уни ўзининг севимли инсонларига бағишлайди. ЦСКА ва Ўзбекистон миллий терма жамоаси футболчиси Аббосбек Файзуллаев учун эса ҳар бир гол ҳаётдаги йўқотишни эслаш, қадрли инсонга меҳр кўрсатиш тимсолига айланди.
Тоғанинг алоҳида синови
Аббосбек Файзуллаевнинг айтишича, унинг тоғаси унинг бирор ўйинини стадиондан туриб томоша қилмаган. Бунга эса жиддий сабаб бор эди. "Мен ўйинингни бориб кўришга арзигулик даражага чиққан пайтинг бораман" – деган экан унинг тоғаси. Бу сўзлар футболчи учун ҳам мотивация, ҳам синов эди.
Жавобсиз қолган умид
Аббосбек футболда юқори натижаларга эришиб, ўзини исботлади, мухлислар олқишлайдиган ўйин намойиш этади. Аммо афсуски, унинг тоғаси стадионга келишга улгурмади. Унинг ҳаётдан кўз юмгани футболчи учун оғир йўқотиш бўлди. Энди эса бу истак футболчи учун бир умр орзу бўлиб қолган.
Голлар – тоғасига бағишланган ишора
Футбол мухлислари Аббосбекнинг майдондаги баъзи голларидан кейин кўрсаткич бармоғини юқорига кўтариб қўйишини кўришган. Бу эса шунчаки ишора эмас – бу унинг тоғасига бағишланган ишора. Йўқотилган инсонга нисбатан меҳр ва соғинч ифодаси.
Футбол – бу нафақат спорт, балки ҳис-туйғулар ва ҳаётий ҳикоялар йиғиндисидир. Аббосбек Файзуллаевнинг тарихини билиб, унинг майдондаги ҳаракатларига янада катта ҳурмат билан қараш мумкин. Унинг ҳар бир урган голи – бир умр орзу бўлиб қолган тоғасига бағишланган хотира. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
