Аббосбек Файзуллаевнинг Португалиянинг «Бенфика» жамоасига трансфери амалга ошмади, деб Kursiv.media хабар берди. Бу ҳақда футболчининг вакили, Pro Sports Management раҳбари Герман Ткаченко Sport24 нашрига берган интервьюсида маълум қилди.
Ткаченкога кўра, «Бенфика» раҳбарияти музокараларнинг бошидаёқ рус клублари билан ҳамкорлик қилмаслик сиёсатини билдирган.
«Файзуллаевни муҳокама қилдик, аммо дарҳол “руслар билан иш қилмаймиз” дейишди. Шундан сўнг алоқалар тўхтатилди», — деди Ткаченко.
Унинг сўзларига кўра, «Бенфика»дан фарқли ўлароқ, баъзи Европа клублари россиялик футболчиларга нисбатан позициясини юмшатмоқда. Масалан, Хавьер Изидор «Сандерленд»га, дарвозабон Матвей Сафонов эса «ПСЖ»га ўтган.
Шу билан бирга, «Брага» клуби футболчиси Саласарнинг «Зенит» ёки «Спартак»ка ўтиши режалаштирилган эди, аммо юридик таваккаллар сабабли келишув амалга ошмади.
Ткаченко таъкидлаганидек, Европа футбол бозорида рус клубларига нисбатан муносабат секин аста ўзгармоқда, аммо ҳали тўлиқ барқарорлашмаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
