Абдуқодир Ҳусанов “Лестер”га қарши ўйинда нега иштирок этмади?

Англия Премьер-лигасининг 30-туридан ўрин олган “Манчестер Сити” – “Лестер” учрашувида ўзбекистонлик ҳимоячи Абдуқодир Ҳусанов майдонга тушмаслиги маълум бўлди.

Аввалроқ ижтимоий тармоқларда футболчининг қайдномага киритилмаслиги жароҳат сабабли бўлиши мумкинлиги ҳақида хабарлар тарқалган эди. Бироқ, “Манчестер Сити” клуби расмий равишда бу ҳолатга изоҳ берди.

🔹 Ҳусановга оддий дам берилди

Клуб матбуот хизмати маълумотига кўра, Абдуқодир Ҳусановда ҳеч қандай жароҳат йўқ. Мутахассислар унинг тикланиши ва кейинги учрашувга яхши ҳолатда бўлиши учун унга ушбу ўйинда дам беришган.

Кейинги ўйинда иштирок этиши мумкин

Футболчи “Манчестер Сити”нинг кейинги турдаги “Манчестер Юнайтед”га қарши муҳим дерби учрашувига тайёргарлик кўради. Унинг ушбу баҳсда майдонга тушиши мумкинлиги тахмин қилинмоқда.

Эслатиб ўтамиз, “Манчестер Сити” бугун “Лестер”га қарши ўйнайди. Ушбу ўйиндан кейин “шаҳарликлар” учун чемпионлик пойгасидаги муҳим босқичлардан бири – шаҳар дербиси бўлиб ўтади.

Ҳусанов мухлислари уни тез орада майдонга қайтишига умид қилишмоқда! “Замин” янгиликларини “Telegram”да кузатиб боринг