“Реал” тарихидаги энг машҳур ҳужумчилардан бири Карим Бензема 2023 йилнинг ёз ойида Мадрид клубини тарк этиб, Саудия Арабистонининг “Ал-Иттиҳод” жамоасига қўшилди, деб sports.uz хабар берди.
36 ёшли футболчи нега Испаниянинг энг нуфузли клубини тарк этганини қуйидагича изоҳлади:
– “Реал”дан нега кетдим? Чунки у ерда барча мақсадларимга еришдим. “Реал”га ёш бола сифатида келганман ва энди уни бир қатор совринлар ҳамда “Олтин тўп” соҳибиси сифатида тарк этдим. Бу жамоа орқали барча орзуларим рўёбга чиқди, – деди Бензема.
Карим Бензема “Ал-Иттиҳод”га эркин агент сифатида ўтди. Унинг шартномаси 2026 йил ёзигача амал қилади.
Жорий мавсумда франциялик ҳужумчи барча мусобақаларда 25 марта майдонга тушиб, 18 та гол урди ва 8 та голли пас амалга оширди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
