Март ойининг энг яхши мураббийи ва футболчиси учун номзодлар

Март ойида Ўзбекистон Суперлигасида 3 та тур учрашувлари ўтказилди. Ушбу баҳслардан кейин ЎзПФЛ ойнинг энг яхши мураббийси ва футболчиси бўлишга номзодлар рўйхатини эълон қилди.

Унга кўра, март ойининг энг яхши мураббийи номзодлари қаторига Миржалол Қосимов (“ОКМК”), Илёс Зейтуллаев (“Бунёдкор”), Вадим Абрамов (“Динамо”), Улуғбек Бақоев (“Бухоро”) ва Ҳаким Фузайлов (“Хоразм”) киритилди.

Март ойининг энг яхши мураббийи бўлишга номзодлар
- Миржалол Қосимов — 3 ўйин, 3 ғалаба, тўплар фарқи 7:2;
- Илёс Зейтуллаев — 3 ўйин, 2 ғалаба, 1 дуранг, тўплар фарқи 7:3;
- Вадим Абрамов — 3 ўйин, 2 ғалаба, 1 дуранг, тўплар фарқи 2:0;
- Улуғбек Бақоев — 3 ўйин, 2 ғалаба, 1 мағлубият, тўплар фарқи 7:3;
- Ҳаким Фузайлов — 3 ўйин, 2 ғалаба, 1 мағлубият, тўплар фарқи 5:4.

^{Фото: ЎзПФЛ}
Март ойининг энг яхши футболчиси бўлиш учун номзодлар қаторидан Нодирбек Абдураззоқов (“ОКМК”), Луис Качорри (“Бунёдкор”), Равшанбек Ягудин (“Динамо”), Шаҳбоз Жўрабеков (“Бухоро”) ва Рустамжон Абдуҳамидов жой олди.

Март ойининг энг яхши футболчиси бўлишга номзодлар
- Нодирбек Абдураззоқов — 3 ўйин, 2 гол, 1 ассист;
- Луис Качорри — 3 ўйин, 4 гол;
- Равшанбек Ягудин — 3 ўйин, 3 қуруқ ўйин, 6 сейв;
- Шаҳбоз Жўрабеков — 3 ўйин, Рақибнинг 33 ҳужумини тўхтатган (Лигада 1-ўрин);
- Рустамжон Абдуҳамидов — 3 ўйин, 2 гол, 1 ассист.

^{Фото: ЎзПФЛ}
Ғолиблар овоз бериш натижалари якунига етгач эълон қилинади. “Замин” янгиликларини “Telegram”да кузатиб боринг