40 ёшли ҳужумчи Криштиану Роналду профессионал фаолиятидаги голлари сонини мингтага етказиш орзусида тинимсиз тўп киритмоқда.
Саудия Арабистони чемпионатининг 26-турида Роналду ўйнаётган “Ан-Наср” ашаддий рақиб – “Ал-Ҳилол” меҳмони бўлиб, иродали ғалабага эришди.
Криштиану Роналду дубль қайд этиб, жамоасининг 3:1 ҳисобидаги ғалабасини таъминлади. Икки аниқ зарба орқали португалиялик юлдуз расмий учрашувлардаги голлари сонини 931 тага етказиб олди ва бу мутлақ рекорд ҳисобланади.
"Ал Ҳилол" - "Ал Насср" 1:3
Голлар: Али ал-Булайҳи (62) - Али ал-Ҳассан (45+4), Криштиану Роналду (47, 88-пен).
"Ал Ҳилол": Яссин Буну, Калиду Кулибали, Али ал-Булайҳи, Ренан Лоди (Мотеб ал-Ҳарби, 81), Ҳамад ал-Ями (Ёсир ал-Шаҳрони, 64), Салим ал-Давсари, Рубен Невеш (Маркус Леонарду, 64), Сергей Милинкович-Савич, Муҳаммад Канно (Носир ал-Давсари, 82), Александар Митрович, Малком.
"Ал Насср": Бенто, Султон ал-Ганнам, Али Лажами (Аймерик Ляпорт, 70), Муҳаммад Симакан, Салим ал-Нажи (Мажид Қашиш, 77), Марцело Брозович, Али ал-Ҳассан, Айман Яҳё (Отавио, 62), Криштиану Роналду, Садио Мане, Жон Дуран.
Огоҳлантириш: Рубен Невеш (54).
Роналду клублар миқёсидаги мусобақларда жами 795 та гол урган ва бу кўрсаткич ҳам рекорд ҳисобланади. Шунингдек, халқаро миқёсда рақиблар дарвозасини 136 маротаба ишғол қилган Криштиану терма жамоа учун гол уришда ҳам рекордчи.
“Ан-Наср” сардори жорий мавсумда жамоасининг 34 та учрашувида иштирок этиб, ўз ҳисобига 30 та гол ёздириб қўйди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
