Роналду «Ал Ҳилол» мағлуб этилган ўйиндан сўнг нималар деди?

«Ал Насср» клуби ҳужумчиси ва сардори Криштиану Роналду «Ал Ҳилол» устидан қозонилган ғалабадан (3:1) сўнг ўз фикрларини билдирди.

Криштиану Роналду дубль қайд этиб, жамоасининг 3:1 ҳисобидаги ғалабасини таъминлади. Икки аниқ зарба орқали португалиялик юлдуз расмий учрашувлардаги голлари сонини 931 тага етказиб олди ва бу мутлақ рекорд ҳисобланади.

«Бу ғалаба учун жамоавий саъй-ҳаракатлар жуда муҳим эди. Мен учун гол уриш муҳим, аммо ғалаба қозониш бундан ҳам муҳимроқ. Саудия Арабистони чемпионати ва Чемпионлар лигасида жамоага ёрдам бериш учун астойдил ҳаракат қиляпман. Мен индивидуал рекордларга эътибор бермайман, — деди Роналду.

Роналду клублар миқёсидаги мусобақларда жами 795 та гол урган ва бу кўрсаткич ҳам рекорд ҳисобланади. Шунингдек, халқаро миқёсда рақиблар дарвозасини 136 маротаба ишғол қилган Криштиану терма жамоа учун гол уришда ҳам рекордчи.

“Ан-Наср” сардори жорий мавсумда жамоасининг 34 та учрашувида иштирок этиб, ўз ҳисобига 30 та гол ёздириб қўйди. “Замин” янгиликларини “Telegram”да кузатиб боринг