Пенальти тепишда Роналду Мессидан зўрми? Статистик таҳлил

Жаҳон футболининг икки йирик юлдузи — Криштиану Роналду ва Лионель Месси ўртасидаги рақобат футбол ишқибозлари учун доим қизиқ мавзудир. Улар ҳар бир майдонда — дриблинг, голлар, ассистлар, совринлар ва албатта, пенальти тепишда ҳам таққосланади. Бу мақолада айнан 11 метрлик нуқтадан берилган зарбалар юзасидан уларнинг кўрсаткичларини таҳлил қиламиз.

Роналдунинг пенальти статистикаси

2025 йилга келиб, 40 ёшни қаршилаган Криштиану Роналду ҳали ҳам юқори даражада тўп сурмоқда. У Саудия Арабистонининг "Ан-Наср" жамоаси ва Португалия терма жамоаси сафида ҳужумда ҳал қилувчи ўйинчи сифатида гол уришда давом этмоқда.

Сўнгги ўйинлардан бирида, "Ан-Наср" – "Ал-Ҳилол" баҳсида Роналду иккита гол урди, улардан бири пенальтидан киритилди. Бу унинг фаолияти давомидаги умумий голлар сонини 931 тага етказди.

Пенальти бўйича эса Роналду умумий 206 марта 11 метрлик нуқтага яқинлашган ва 174 марта тўпни дарвозага киритган. Бу 84,47% аниқлик дегани.

Мессининг пенальти кўрсаткичлари

Лионель Месси ҳам ўз фаолияти давомида кўплаб муҳим голлар урган ва пенальти зарбаларини ижро этган. У 140 марта пенальти тепган ва 109 марта муваффақиятга эришган. Бу эса 77,86% аниқликни ташкил қилади.

Қиёслаш учун: Месси 31 марта пенальтини ута олмаган бўлса, Роналдуда бу рақам 32 тани ташкил этади. Аммо Роналдунинг умумий уринишлари кўпроқ бўлгани сабабли, унинг самарадорлиги юқори бўлиб қолмоқда.

Пенальти тепишда устунлик кимда?
Статистик маълумотларга таянадиган бўлсак, Криштиану Роналду пенальти тепишда Лионель Мессидан яхшироқ натижага эришган. Унинг 84,47% аниқлиги аргентиналик рақибининг 77,86% кўрсаткичига нисбатан юқори.

Албатта, футболда рақамлар ҳамма нарсани англатмайди, лекин пенальти каби муҳим вазиятларда аниқлик катта аҳамиятга эга. Шу нуқтаи назардан қараганда, Роналду пенальти тепишда кўпроқ ишонч уйғотади. “Замин” янгиликларини “Telegram”да кузатиб боринг