“Бу ҳаётимдаги энг катта хато” — Альваро Моратанинг рафиқаси юракни эзувчи иқрор билан чиқди

Футбол дунёсидаги энг гўзал жуфтликлардан бири — Альваро Мората ва Аличе Кампелло ўртасидаги муносабатлар мухлислар учун ҳар доим қизиқ бўлган. Улар 7 йиллик турмушдан сўнг 2024 йил августида ажрашишга қарор қилганида, кўпчилик буни тушуна олмаганди. Аммо қисматнинг ўз режаси бор экан — 2025 йил январь ойида жуфтлик яна бирга экани аниқ бўлди.

“Қандай қилиб бу қарорни қабул қилганимизни ҳали ҳам тушуна олмаймиз...”

Аличе Кампелло Verissimo нашрига берган интервьюсида сўзларини ҳеч иккиланмасдан шундай бошлади:

“Бу ҳаётимизда йўл қўйган энг катта хатомиз бўлган. Қандай қилиб бу қарорни қабул қилганимизга ҳали ҳам тушуна олмаймиз. Ушбу тажриба иккимиз учун ҳам катта дарс бўлди, чунки бир-биримизсиз яшаш қандай эканини англадик.”

Мураккаб палла, заифлик ва кечикиб келган англаш

Машҳур модель, таниқли бизнесвумен ва кўп болали она бўлган Аличе ўзининг руҳий ҳолати ҳақида ҳам очиқча гапирди:

“Депрессияга тушиб қолиш, заифлашиб қолиш — бу ҳаётда ҳар қандай инсон бошидан кечириши мумкин бўлган ҳолатлар. [Қизим туғилгандан кейингги депрессия] мени бутунлай ўзгартириб юборди. Аслида кўпдан бери ўзимни ёмон ҳис қилардим, аммо бунга сабабни англай олмасдим.”

“Отам хафа бўлганди, у бизнинг оиламизга ишонарди”

Аличе ўз оиласи, айниқса отасининг ҳиссиётлари ҳақида гапирганда, томошабинлар юраги шув этиши турган гап:

“Мен отам билан жуда яқинман. У хафа бўлганди. Бир-бирини шунчалик яхши кўрган икки инсон гўзал оиласини қандай қилиб йўқ қилиши мумкин? У тушуна олмаган. Оиламдан миннатдорман — улар менга тўғри қадриятларни ўргатишди.”

Мухаббатга қайтиш: Мораталар яна бирга!

Яна бир бор тасдиқландики, ҳақиқий муҳаббат вақт синовидан ўта олади. Альваро Мората ва Аличе Кампелло тўрт нафар фарзанди билан бир оила сифатида ҳаёт саҳифасини янги саҳифадан бошлашмоқда.

Муҳими, бир-бирини таниган, тушунган ва кечира олган юраклар охир-оқибат яна бирга бўлиши мумкин! “Замин” янгиликларини “Telegram”да кузатиб боринг