"Барселона" мухлислари учун хушхабар...

Каталониянинг машҳур клуби “Барселона” бош мураббий Ханс-Дитер Флик билан ҳамкорликни давом эттиришга қарор қилгани ҳақида хабарлар тарқалди. Бу ҳақда Испаниянинг ишончли манбаларидан бири — Sport нашри ёзмоқда.

Захави билан учрашув — музокаралар бошланди

Маълумотларга кўра, сешанба куни “Барса” раҳбарияти агент Пини Захави билан музокара ўтказган. Бу учрашув айнан германиялик мутахассис Флик билан шартномани узайтириш жараёнини бошлаб берган.

Клуб раҳбарлари яқин ҳафталар ичида келишувни расмийлаштириш ниятида. Манбаларга кўра, ҳатто агар мавсум барча фронтларда кутилган даражада якунланмаса ҳам, раҳбарият Фликнинг иш услубидан ва жамоага олиб келган ўзгаришларидан мамнун.

Янги келишув — эҳтимолан қисқа муддатли

Шартнома катта эҳтимол билан узоқ муддатга эмас, фақат яна бир мавсумга — 2026/2027 йилги мавсум охиригача узайтирилади. Аммо унга кейинчалик автоматик равишда узайтириш имконияти қўшилиши мумкин.

Флик натижалар билан ҳайратлантирмоқда

Таъкидлаш керакки, Ханс-Дитер Флик бошчилигидаги “Барселона” бугунги кунда Ла Лигада пешқадамлар қаторида. Жамоа Чемпионлар Лигасида ҳам шиддат билан ҳаракат қилмоқда. Чоршанба куни “кўк-анорранглилар” чорак финал доирасида “Боруссия Дортмунд”ни 4:0 ҳисобида мағлуб этди — бу эса мураббийга бўлган ишончни янада мустаҳкамлади.

“Барселона”нинг Фликга нисбатан бўлган ишончи ва барқарорлик сари ташлаётган қадамлари клуб келажаги учун муҳим аҳамиятга эга. Янги шартнома қарори “Камп Ноу”да узоқ муддатли лойиҳанинг асосий бўғинига айланиши мумкин. «Замин»ни Telegram’да ўқинг!