“Сити”нинг “пулли хато”си: 1 миллионга кетган футболчи учун энди 50 миллион тўланадими?

Футбол оламида баъзан бир қарашда аҳамиятсиздек туюлган қарорлар кейинчалик миллионаб пуллар ва афсусларга сабаб бўлиши мумкин. “Манчестер Сити” айнан шундай вазиятга дуч келган кўринади.

Гвардиола қайта олишни хоҳлаётган футболчи ким?

2023 йилда “Сити” сафида жиддий мавқега эга бўлмаган ёш ҳужумкор футболчи Морган Рожерс атиги 1 миллион еврога Чемпионшип клуби — “Мидлсбро”га сотилганди. Орадан ярим йил ўтиб, “Астон Вилла” уни 9 миллион евро эвазига сотиб олди ва шундан бери футболчи ҳақиқий порлашни бошлади.

Рожерс “Вилла”да нима кўрсатди?

Жорий мавсум Морган барча мусобақаларда 45 та учрашувда майдонга тушиб, 14 та гол уришга ва 11 та ассист амалга оширишга муваффақ бўлди. Универсал ҳужумкор сифатида қанотларда ҳам, марказда ҳам ўйнай олиши, юқори дриблинг ва жамоавий ўйинга тез мослаша олиши Гвардиоланинг диққатини тортмай қолмади.

1 миллионга кетган футболчи учун 50 миллион?

Энди эса “Манчестер Сити” ўз қўли билан қўйиб юборган футболчисини ортга қайтариш учун камида 50 миллион евро тўлашга тайёргарлик кўрмоқда. Бу трансфер бозорида камёб учрайдиган ҳолатлардан бири — клуб ўз “хатоси” учун юз баробар қиммат тўлашга мажбур бўлиши мумкин.

Мухлислар нима демоқда?

Айримлар буни “Сити” академиясининг катта хато қилиши сифатида баҳоламоқда, баъзилар эса Гвардиоланинг кузатувчанлиги ва кейинги мавсумда Рожерсни янги “асосий куч” сифатида кўриш ниятини олқишламоқда.

Нима дейсиз, “шаҳарликлар” 1 миллионга кетган талантини 50 миллионга қайтаришга арзийдими? «Замин»ни Telegram’да ўқинг!