"Астон Вилла" ярим ҳимоячиси Морган Рожерс фаолиятида янги босқичга кўтарилиши кутилмоқда. Собиқ футболчи Анри Лансбери 23 ёшли ўйинчи янада нуфузли жамоаларда тўп суришга қодир эканини таъкидлади. Бу ҳақда Goal.com хабар беради.
Рожерс жорий мавсумда Премьер-лигада ва Европа майдонларида ўзини кўрсатишга улгурди. Унаи Эмери бошқарувидаги жамоа ҳозирда турнир жадвалида тўртинчи ўринни эгаллаб турибди ва Европа Лигаси орқали YCHL йўлланмасини қўлга киритишни мақсад қилган.
Лансберининг фикрича, Рожерс ўйин услуби бўйича Морган Гиббс-Уайтга ўхшаб кетади. У ҳужум қилишни, гол уришни ва вазиятлар яратишни яхши кўрадиган креатив плеймейкер сифатида эътироф этилмоқда.
Футболчининг Бирмингем клуби билан шартномаси 2031 йилнинг ёзига қадар амал қилади. Бироқ муносиб таклиф тушса, клуб уни сотишга рози бўлиши мумкин.
Рожерс ўз вақтида "Манчестер Сити" тизимида бўлган ва кейинчалик қуйи лигаларда тажриба тўплаб, асосий таркиб даражасига чиққан.
Лансбери ёш футболчиларга кўпроқ ўйин амалиётига эга бўлиш учун ижарага кетишдан қўрқмасликни маслаҳат берди. Рожерснинг ўзи ҳам "Мидлсбро" орқали 15 миллион фунт эвазига "Астон Вилла"га ўтиб, ўз салоҳиятини исботлади.
“Zamin”ни Telegram'да ўқинг!
