Мавсум тақдири Анчелоттининг келажагини ҳал қиладими?

Испаниянинг амалдаги чемпиони “Реал” жорий мавсумда “Барселона”га жиддий қаршилик кўрсата олмаяпти, деб zamin.uz хабар берди.

Бундан ташқари, Европа Чемпионлар Лигаси чорак финалида “Арсенал”га қарши илк учрашувда мадридликлар йирик мағлубиятга учради. Бу эса бош мураббий Карло Анчелотти курсисини жиддий “қимирлатди”.

Маҳаллий ва Европа фронтидаги муваффақиятсизликлар 65 ёшли италиялик мураббийнинг мавсум тугагач ишдан кетиши мумкинлиги ҳақидаги гап-сўзларни кучайтирмоқда.

Анчелотти бу борада ўз муносабатини билдирди:

– Келажагим ҳақида ҳозир гапириш шарт эмас. Ҳамма нарса шартномада ёзилган. Мавсум якунлангач, клуб билан муҳокама қиламиз. “Реал” ҳар доим менга ёрдам берган, айниқса, қийин пайтларда, – деди мураббий.

Карло Анчелотти “Реал”ни 2021 йилда қабул қилиб олган ва унинг амалдаги шартномаси 2026 йилгача тузилган. Унинг қўл остида “Реал” Испания чемпионлиги ва Чемпионлар Лигасини ютган. «Замин»ни Telegram’да ўқинг!