“Реал” финал олдидан асосий юлдузини йўқотдими?

"Реал Мадрид" ҳужумчиси Килиан Мбаппе Чемпионлар Лигаси чорак финал жавоб учрашувида "Арсенал"га қарши ўйинда жароҳат олди ва ўйинни давом эттира олмади, деб euro-football.ru хабар берди. У 75-дақиқада газонга йиқилиб, ўйинни тарк этди. Унинг ўрнини Браим Диас эгаллади. Ўша вақтда ҳисоб 1:1 бўлиб турган, икки учрашув натижаси эса “канонирлар” фойдасига 1:4 эди.

Айни пайтда Мбаппенинг жароҳати қанчалик жиддий экани аниқ эмас. Энг ташвишлиси – “Реал”га атиги 10 кун ичида “Барселона”га қарши Испания Кубоги финалида майдонга тушиш керак бўлади.

Шунингдек, финалгача “Реал” Ла Лига доирасида яна икки ўйин ўтказади: 20 апрел куни “Атлетик” Бильбао ва 23 апрел куни “Хетафе”га қарши. Мбаппе “Арсенал”га қарши икки учрашувда ҳам гол ёки ассист қайд этмади. «Замин»ни Telegram’да ўқинг!