Карло Анчелотти кечаги мағлубиятдан сўнг нималар деди?

“Реал Мадрид” бош мураббийи Карло Анчелотти Чемпионлар Лигаси чорак финалида “Арсенал”га қарши иккинчи ўйиндаги мағлубиятдан сўнг жамоанинг ҳолати ва келгуси режалари ҳақида фикр билдирди.

“Бугун ўйин динамикасини ўзгартиришга кучимиз етмади. Аслида, барча тақдир аввалги ўйинда ҳал бўлиб бўлган экан. «Арсенал» икки ўйинда ҳам яхши ҳаракат қилди ва ярим финалга чиқишга муносиб эди,” — деди Анчелотти.

Машҳур мураббий жамоанинг ҳозирги мақсадлари ҳақида ҳам тўхталиб ўтди:

“Энди барча диққатни Ла Лигага қаратамиз. Чемпионлик учун имкониятимиз бор. Олдимизда “Барселона”га қарши муҳим беллашув турибди. Шунингдек, Испания кубоги ва Клублар ўртасидаги Жаҳон чемпионатида ҳам ғалаба қозониш учун курашамиз. Мағлубиятни тезроқ унутиб, олға қараб ҳаракат қилишимиз шарт.” «Замин»ни Telegram’да ўқинг!