Ўзбекистон хоккейда етакчи: Жаҳон чемпионатида тарихий имконият

Ереван шаҳрида бўлиб ўтаётган хоккей бўйича катталар ўртасидаги **Жаҳон чемпионати (IV дивизион)**да Ўзбекистон терма жамоаси ғалабали қадамлар билан ҳаракат қилмоқда. Ҳозиргача 3 та ўйинда майдонга тушган жамоамиз 2 ғалаба ва 1 мағлубият қайд этди ҳамда турнир жадвалида пешқадамликни қўлга киритди.

1-тур: Кувайт — 3:13
Биринчи ўйинда ўзбекистонлик хоккейчилар Кувайт термасига қарши жуда ишончли ҳаракат қилди. 13:3 ҳисобидаги йирик ғалаба — жамоанинг ўзига бўлган ишончини янада оширди.

2-тур: Арманистон — 3:2 (буллитлар орқали)
Мезбон Арманистонга қарши учрашув кескин ва драматик тарзда ўтди. Асосий вақт 2:2 ҳисобида якунланди, аммо буллитлар сериясида омад арманлар томонида бўлди. Шунга қарамай, 1 очко Ўзбекистон ҳисобига ёзилди.

3-тур: Эрон — 0:20
Мусобақадаги энг кучли ғалаба — 20:0 ҳисобида Эрон устидан қайд этилди. Бу нафақат мусобақадаги, балки Ўзбекистон хоккей тарихи учун илк “қуруқ” ҳисобли ўйин бўлди.
87 та зарба, 4 тадан гол урган Павел Синявский ва Вадим Кравченко, 14 очко билан (2 гол, 12 ассист) эса Василий Жилов рейтингда иккинчи ўринга кўтарилди.

Турнирдаги имкониятлар
3 та ўйинда 7 очко жамғарган Ўзбекистон ҳозирча жадвал етакчиси. Яна икки баҳс қолган —

- 17 апрель — Индонезия
- 19 апрель — Малайзия

Агар жамоамиз ҳар иккала учрашувда ҳам асосий вақтда ғалаба қозонса, Ўзбекистон III Б дивизионига йўл олади.

Қувонарлиси, фаворит деб кўрилган Арманистон 3-турда Кувайтга овертаймда 4:5 ҳисобида ютқазиб, ўз имкониятларини пасайтирди. «Замин»ни Telegram’да ўқинг!